കൊച്ചി : രവീന്ദ്രന് പട്ടയങ്ങള് റദ്ദാക്കാനുള്ള നടപടികള് തുടരാമെന്ന് ഹൈക്കോടതി. സര്ക്കാര് നടപടി സ്റ്റേ ചെയ്യണമെന്ന ആവശ്യത്തില് കോടതി ഇടപെട്ടില്ല. ഇടുക്കി കുഞ്ചിത്തണ്ണി സ്വദേശിയായ കര്ഷകന് സമര്പ്പിച്ച ഹര്ജിയാണ് ജസ്റ്റീസ് ദേവന് രാമചന്ദ്രന് പരിഗണിച്ചത്. രവീന്ദ്രന് പട്ടയങ്ങള് നോട്ടീസ് നല്കി പരിശോധിച്ച് റദ്ദാക്കാനും അര്ഹരായവര്ക്ക് പുതിയ പട്ടയങ്ങള് നല്കാനും സര്ക്കാര് ഉത്തരവിറക്കിയിരുന്നു. സര്ക്കാര് ഉത്തരവ് ചോദ്യം ചെയ്താണ് ഹര്ജിക്കാരന് കോടതിയെ സമീപിച്ചത്. ഹര്ജിക്കാരന്റെ പട്ടയം റദ്ദാക്കുന്നത് കോടതി രണ്ടാഴ്ചത്തേക്ക് തടഞ്ഞു. താന് കര്ഷകനാണന്നും ഭൂമിയില് വീട് വെച്ച് താമസിക്കുകയാണന്നും ഹര്ജിക്കാരന് ബോധിപ്പിച്ചു. ഇക്കാര്യം കളക്ടര് വഴി പരിശോധിച്ച് റിപ്പോര്ട്ട് നല്കാനും കോടതി നിര്ദേശിച്ചു.
