പന്തളം : മങ്ങാരം ഗവ.യു പി സ്കൂളിലെ വായനമാസാചരണം സമാപിച്ചു. സമാപന സമ്മേളനം പന്തളം നഗരസഭ കൗൺസിലർ സുനിത വേണു ഉദ്ഘാടനം ചെയ്തു. പി ടി എ പ്രസിഡന്റ് എം ബി ബിനുകുമാർ അദ്ധ്യക്ഷത വഹിച്ചു. വിദ്യാർത്ഥികളിൽ പുസ്തക വായന ശീലം പ്രോത്സാഹിപ്പിക്കാനായി സ്കൂളിൽ ആരംഭിച്ച ‘എൻ്റെ വിദ്യാലയത്തിനൊരു പുസ്തകം’പദ്ധതി പന്തളം നഗരസഭ കൗൺസിലർ കെ വി ശ്രീദേവി ഉദ്ഘാടനം ചെയ്തു. ലെെബ്രറി കൗൺസിൽ മങ്ങാരം ഗ്രാമീണ വായനശാലയുടെ സഹകരണത്തോടെ സ്കൂളിൽ ആരംഭിച്ച ‘എൻ്റെ പുസ്തകം എൻ്റെ കുറിപ്പ് എൻ്റെ ഏഴുത്തു പെട്ടിക്ക് ‘പദ്ധതി അടൂർ താലൂക്ക് ലെെബ്രറി കൗൺസിൽ ജോയിൻ സെക്രട്ടറി വിനോദ് മുളമ്പുഴ ഉദ്ഘാടനം ചെയ്തു.
വിദ്യാർത്ഥികൾ തയ്യാറാക്കിയ കെെയ്യെഴുത്ത് മാസിക ഏഴുത്തുകാരൻ ബിനു കെ സാം പ്രകാശനം ചെയ്തു. എസ് എം സി ചെയർമാൻ കെ എച്ച് ഷിജു, സ്കൂൾ പ്രഥമാധ്യാപിക ജിജി റാണി, ലെെബ്രറി കൗൺസിൽ പന്തളം മേഖല കൺവീനർ കെ ഡി ശശിധരൻ, മങ്ങാരം ഗ്രാമീണ വായനശാല പ്രസിഡന്റ് ഡോ. ടി വി മുരളീധരൻ പിള്ള, വാർഗ്ഗീസ് മാത്യൂ, സംജാ സുധീർ, നിഷ എസ് റഹ്മാൻ, സുധ പ്രഭാകരൻ എന്നിവർ സംസാരിച്ചു.
