ചെന്നൈ : നടൻ വിജയ്യുടെ പാർട്ടിയായ തമിഴക വെട്രി കഴകത്തിൽ അംഗത്വപ്രചാരണം തുടങ്ങി രണ്ടുദിവസത്തിനകം 50 ലക്ഷം പേർ ചേർന്നെന്ന് ഭാരവാഹികൾ. വെള്ളിയാഴ്ച വൈകീട്ട് വിജയ് ആദ്യ അംഗത്വമെടുത്തുകൊണ്ടായിരുന്നു തുടക്കം. മൊബൈൽ ആപ്ലിക്കേഷൻ, സാമൂഹികമാധ്യമങ്ങൾ എന്നിവ മുഖേനയായിരുന്നു അപേക്ഷിക്കാൻ സൗകര്യം ചെയ്തത്. വിജയ് ആരാധകർ കൂട്ടമായി പാർട്ടിയിൽ ചേരുകയായിരുന്നെന്നാണ് അവകാശവാദം.
ആധാർകാർഡ് വിവരങ്ങൾ നൽകേണ്ടതിനാൽ വ്യാജ അംഗത്വം, ഇരട്ടിപ്പ് എന്നിവയുണ്ടായിട്ടില്ലെന്ന് നേതാക്കൾ പറഞ്ഞു. ആദ്യദിവസങ്ങളിൽ മികച്ച പ്രതികരണം നേടിയതിനാൽ രണ്ടുകോടി അംഗങ്ങൾ എന്ന ലക്ഷ്യംനേടാൻ ബുദ്ധിമുട്ടുണ്ടാകില്ലെന്നാണ് ഇപ്പോഴത്തെ കണക്കുകൂട്ടലുകൾ.
