ചെങ്ങന്നൂർ : പുത്തൻ കാവ് മെത്രാപ്പോലീത്തൻ ഹയർ സെക്കണ്ടറി സ്കൂൾ പൂർവ്വ വിദ്യാർത്ഥി നവാഭിഷിക്തനായ മലങ്കര ഓർത്തഡോക്സഭയുടെ മെത്രാപ്പോലീത്ത ഗീവറുഗിസ് മാർ പീലക്സിനോസിന് നാളെ 3 മണിയ്ക്ക് സ്കൂൾ ഓഡിറ്റോറിയ ത്തിൽ സ്വീകരണം നൽകും. സ്വീകരണ സമ്മേളനം മെത്രാപ്പോലീത്തയുടെ അധ്യാപകനും മുൻ പ്രിന്സിപ്പലുമായ കെ.കെ തോമസ് ഉദ്ഘാടനം ചെയ്യും. പി.റ്റി.എ. പ്രസിഡന്റ് പി.വി ജോൺ അധ്യക്ഷത വഹിക്കും.
1984 – 1987 കാലഘട്ടത്തിൽ മെത്രാപ്പോലീത്തൻ ഹയർ സെക്കണ്ടറി സ്കൂൾ വിദ്യാത്ഥിയായിരുന്ന വിനോദ് ജോർജ് മെത്രാപ്പോലീത്തയായി സ്വീകരണം ഏറ്റുവാങ്ങാൻ തന്റെ മാതൃവിദ്യാലയത്തിൽ എത്തിചേരുമ്പോൾ പൂർവ്വ വിദ്യാർത്ഥികൾ ചടങ്ങിൽ പങ്കെടുക്കണമെന്ന് പ്രിൻസിപ്പൽ പ്രിയ ജേക്കബ്, ഹെഡ് മാസ്റ്റർ എബി അലക്സാണ്ടർ എന്നീ വർ അറിയിച്ചു.
