തിരുവനന്തപുരം : ഡി.സി.സി തലത്തിൽ കോൺഗ്രസിൽ പുനസംഘടന ഉണ്ടാക്കിയേ പറ്റൂവെന്ന് അടൂർ പ്രകാശ് എംപി. പല ഡിസിസികളും ചുമതല നിറവേറ്റിയില്ല. സ്ഥാനാർഥി നിർണയത്തിൽ ഗ്രൂപ്പ് വീതം വെപ്പ് നിർത്തണം. തിരുവനന്തപുരം കോർപ്പറേഷനിലടക്കം തോൽവി സംഭവിച്ചത് ഗ്രൂപ്പ് കളി കാരണമാണെന്നും അടൂര് പ്രകാശ് പറഞ്ഞു. മുല്ലപ്പള്ളി രാമചന്ദ്രന് ആഗ്രഹമുണ്ടെങ്കിൽ മത്സരിക്കട്ടെയെന്നും രമേശ് ചെന്നിത്തല കെപിസിസി അധ്യക്ഷനായിരിക്കെ മത്സരിച്ചിട്ടുണ്ടെന്നും അടൂർ പ്രകാശ് പറഞ്ഞു.
