കേരളാ കെയര് പാലിയേറ്റീവ് സേവന പദ്ധതിയില് സന്നദ്ധപ്രവര്ത്തകരുടെ രജിസ്ട്രേഷന് നടപടി ആരംഭിച്ചു. sannadhasena.kerala.gov.in/volunteerregistration വെബ്സൈറ്റില് വിവരം നല്കി രജിസ്റ്റര് ചെയ്യാം. സാന്ത്വന പരിചരണം ആവശ്യമുള്ള രോഗിക്കായി ആഴ്ചയില് ഒരു മണിക്കൂര് എങ്കിലും ചിലവഴിക്കാന് സന്നദ്ധതയുള്ളവര്ക്ക് രജിസ്റ്റര് ചെയ്യാം. ജില്ലാ തലത്തില് 30 വോളണ്ടിയര്മാരാകുമ്പോള് പരിശീലനം ആരംഭിക്കും. മൂന്ന് ദിവസത്തെ പരിശീലനത്തിന് ശേഷം പാലിയേറ്റീവ് പ്രവര്ത്തനങ്ങള്ക്ക് നിയോഗിക്കും.
ജൂണ് 15 വരെയാണ് രജിസ്ട്രേഷന്. സാന്ത്വനചികിത്സ ആവശ്യമായ രോഗികളുടെ വിവരശേഖരണവും രജിസ്ട്രേഷനും പുരോഗമിക്കുന്നു. പാലിയേറ്റീവ് കെയര് ഗ്രിഡില് പങ്കാളികളാകുന്ന എന്ജിഓകളുടെയും കമ്യൂണിറ്റി ബേസ്ഡ് ഓര്ഗനേസേഷനുകളുടെയും രജിസ്ട്രേഷന് പൂര്ത്തിയായി. കാമ്പയിന്റെ ഭാഗമായി 1,34,939 പേരാണ് സാന്ത്വന ചികിത്സ ആവശ്യമുള്ള കിടപ്പിലായ രോഗികളായി രജിസ്റ്റര് ചെയ്തിട്ടുള്ളത്. രജിസ്റ്റര് ചെയ്തതില് 59.48 ശതമാനം പേരും വനിതകളാണ്. ഏറ്റവുമധികം ആളുകള് 70നും 80നും ഇടയില് പ്രായമുള്ളവരാണ്. .
