ശ്രീനഗര്: ജമ്മു കശ്മീരിൽ അതിവേഗ ഇന്റര്നെറ്റ് പുനസ്ഥാപിച്ചു. പരീക്ഷണാര്ഥം രണ്ടു ജില്ലകളിലാണു ഞായറാഴ്ച 4ജി ഇന്റര്നെറ്റ് പുന:സ്ഥാപിച്ചത്. അതിവേഗ ഇന്റര്നെറ്റ് റദ്ദാക്കി ഒരു വര്ഷത്തിനുശേഷമാണു നടപടി.
ഗന്ദേര്ബാള്, ഉദംപുര് ജില്ലകളിലാണ് 4ജി ഇന്റര്നെറ്റ് പുന:സ്ഥാപിച്ചത്. ഞായറാഴ്ച രാത്രി ഒമ്പതു മുതല് 4ജി സേവനങ്ങള് ലഭ്യമായി തുടങ്ങി. സെപ്റ്റംബര് എട്ടു വരെ ഇന്റര്നെറ്റ് ഇത്തരത്തില് ലഭ്യമായി തുടരുമെന്നാണ് അധികൃതര് അറിയിക്കുന്നത്.
