തിരുവനന്തപുരം : ട്രഷറി തട്ടിപ്പില്‍ ധനമന്ത്രി തോമസ് ഐസക്കിന്റെയും ട്രഷറി ഡയറക്ടറുടെയും പങ്കിനെ സംബന്ധിച്ച്‌ അന്വേഷണം വേണമെന്ന് ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല വിജിലന്‍സിന് കത്ത് നല്‍കി. സംസ്ഥാനത്തെ വിവിധ ട്രഷറികളില്‍ നടന്ന പണംതിരിമിറിയും പ്രളയ ഫണ്ട് തട്ടിപ്പുള്‍പ്പെടെയുള്ള കുംഭകോണങ്ങളും സംബന്ധിച്ച്‌ സമഗ്ര അന്വേഷണം വേണമെന്നവശ്യപ്പെട്ടാണ് പ്രതിപക്ഷ നേതാവ് വിജിലന്‍സ് ഡയറക്ടര്‍ക്ക് കത്ത് നല്‍കിയത്. ഇടതു സര്‍ക്കാര്‍ അധികാരത്തില്‍വന്ന ശേഷം വിവിധ ട്രഷറികളില്‍ നിന്നും നിരവധി തവണ പണമപഹരിച്ച സംഭവം ഉണ്ടായിട്ടുണ്ട്. എന്നാല്‍ പാര്‍ട്ടി താല്‍പര്യം മുന്‍നിര്‍ത്തി കുറ്റവാളികളെ സംരക്ഷിക്കാനും ഒതുക്കി തീര്‍ക്കാനും ചിലര്‍ ശ്രമിച്ചെന്നും ചെന്നിത്തല ആരോപിക്കുന്നു.
