കോന്നി : കോന്നി ഇക്കോ ടൂറിസം കേന്ദ്രത്തിലെ പ്രധാന ആകര്ഷണങ്ങളില് ഒന്നായ കുട്ടികളുടെ പാര്ക്കിന്റെ നവീകരണ പ്രവര്ത്തനങ്ങള് ആരംഭിച്ചു. സംസ്ഥാന സര്ക്കാരിന്റെ കീഴിലുള്ള എഫ് ആന്ഡ് എഫ് എന്ന ഏജന്സിക്കാണ് പാര്ക്ക് നവീകരണത്തിന്റെ ചുമതല. മള്ട്ടി ഫണ് പ്ലേ സ്റ്റേഷന്, റോക്കിംഗ് സിങ് വിത്ത് ഹോര്സ്, സര്ക്കുലര് സിംഗ് ഫോര് സീറ്റ്, മെരി റൗണ്ട് സിറ്റിംഗ് പ്ലാറ്റ് ഫോം, റോക്കിംഗ് ബോട്ട്, ജുറാസിക് സ്ലൈഡ്, അഞ്ച് തരത്തിലുള്ള സ്പ്രിംഗ് റൈഡ്, ഗാര്ഡന് ബെഞ്ച് എന്നിവയാണ് കുട്ടികളുടെ പാര്ക്കില് ക്രമീകരിക്കുന്നത്.
വര്ഷങ്ങള്ക്ക് മുന്പ് നിര്മ്മിച്ച പാര്ക്കില് കുട്ടികള് ഉപയോഗിച്ചിരുന്ന വിവിധ റൈഡ്കള് പലതും തുരുമ്പെടുത്ത് നശിച്ചവയായിരുന്നു. കോന്നി ഇക്കോ ടൂറിസം കേന്ദ്രത്തിലെ പ്രധാന ആകര്ഷണങ്ങളില് ഒന്നായ കുട്ടികളുടെ പാര്ക്ക് നാശാവസ്ഥയിലായതോടെ ഇത് പലപ്പോഴും ഉപയോഗിക്കുവാന് കഴിയാതെ വരികയായിരുന്നു. പാര്ക്ക് പുനര് നിര്മ്മിച്ച് തുടങ്ങിയതോടെ കുട്ടികളുടെ പാര്ക്ക് വീണ്ടും സജീവമാക്കുവാനുള്ള തയ്യാറെടുപ്പിലാണ് അധികൃതര്.
