ആലപ്പുഴ: നവകേരള യാത്രക്കിടെയുണ്ടായ സുരക്ഷാ ഉദ്യോഗസ്ഥരുടെ മര്ദ്ദന കേസില് എഡിജിപി എം ആര് അജിത് കുമാറിനെതിരെ കുരുക്ക് മുറുക്കി അന്വേഷണ സംഘം. അജിത് കുമാറിനെതിരെ കോടതിയിലും റിപ്പോര്ട്ട് സമര്പ്പിച്ചിരിക്കുകയാണ് എസ്ഐടി. വ്യാജ രേഖ ചമച്ചത് എഡിജിപിയുടെ ഓഫീസാണെന്ന് റിപ്പോര്ട്ടില് പറയുന്നു. അട്ടിമറി വ്യക്തമാക്കി അന്വേഷണ സംഘം കോടതിയില് സമര്പ്പിച്ച റിപ്പോര്ട്ടിന്റെ പകര്പ്പ് പുറത്തുവന്നു. ആലപ്പുഴ സെഷന്സ് കോടതിയിലാണ് അഡീഷണല് റിപ്പോര്ട്ട് നല്കിയത്. വ്യാജ റിപ്പോര്ട്ട് തയ്യാറാക്കിയത് ക്രമസമാധാന ചുമതലയുള്ള എഡിജിപിയുടെ ഓഫീസാണെന്ന് റിപ്പോര്ട്ടിലുണ്ട്. പ്രതികളെ രക്ഷിക്കാന് കേസ് ഡയറി തന്നെ അട്ടിമറിച്ചു. തെറ്റായ നറേറ്റീവ് സൃഷ്ടിക്കാന് വ്യാജ രേഖകള് ചമച്ചുവെന്നും എസ്ഐടി റിപ്പോര്ട്ടില് പറയുന്നു. മുന് അന്വേഷണ ഉദ്യോഗസ്ഥന്റെ മൊഴിയിലാണ് അജിത് കുമാറിന്റെ പങ്ക് വ്യക്തമാക്കുന്നത്.
