പത്തനംതിട്ട : രജിസ്റ്റർഡ് എഞ്ചിനീയർസ് & സൂപ്പർവൈസർസ് ഫെഡറേഷൻ ന്റെ രണ്ടാമത് ജില്ലാ സമ്മേളനം സംഘടനയുടെ സ്ഥാപക പ്രസിഡണ്ട് സി. വിജയകുമാർ ഉദ്ഘാടനം ചെയ്തു. ജില്ലാ പ്രസിഡന്റ് ആഷിക് മുഹമ്മദ് അധ്യക്ഷത വഹിച്ചു.
കെട്ടിട നിർമാണ സാമഗ്രികളുടെ അനിയന്ത്രിതമായ വില വർധനവിനെതിരെയും പ്ലാനുകൾ അംഗീകാരത്തിനായി സമർപ്പിക്കുന്ന സോഫ്റ്റ്വെയറുകളിലെ അപാകതകൾ പരിഹരിക്കാനും വേണ്ടി സംസ്ഥാന സർക്കാർ അടിയന്തിരമായി ഇടപെടണമെന്നും സമ്മേളനം പ്രമേയം പാസ്സാക്കി. ജില്ലാ ഭാരവാഹികളായി അജു ചന്ദ്രൻ (പ്രസിഡന്റ് ), സയ്ദ്. എ (സെക്രട്ടറി ), പ്രിൻസ് മാത്യു (ട്രെഷറർ ) എന്നിവരെ തിരഞ്ഞെടുത്തു. റെൻസ്ഫഡ് ജില്ലാ, സംസ്ഥാന നേതാക്കൾ പങ്കെടുത്തു. തുടർന്ന് കെട്ടിട നിർമ്മാണ ചട്ടങ്ങൾ സംബന്ധിച്ച സംശയനിവാരണ ക്ലാസും സംഘടിപ്പിച്ചു.
