പനാജി: ഗോവയില് 29 കാരിയായ ഡച്ച് യുവതിയെ കുത്തിയ സംഭവത്തില് റിസോര്ട്ട് ജീവനക്കാരന് അറസ്റ്റില്. നോര്ത്ത് ഗോവയിലെ പെര്നീമില് വെള്ളിയാഴ്ച്ചയാണ് സംഭവം. ഡച്ച് സ്വദേശിയായ യൂറിക്കോക്കാണ് പരിക്കേറ്റത്. വിദേശ വനിതയെ ആക്രമിച്ചത് തടയാനെത്തിയ ആളേയും ജീവനക്കാരന് കുത്തിപരിക്കേല്പ്പിച്ചു. സംഭവത്തില് ജീവനക്കാരനെ അറസ്റ്റ് ചെയ്തു.
ഉത്തരാഖണ്ഡ് സ്വദേശിയായ അഭിഷേക് വര്മ്മ എന്നയാളാണ് അറസ്റ്റിലായതെന്ന് പോലീസ് പറഞ്ഞു. ടെന്റിനുള്ളിലേക്ക് റിസോര്ട്ട് ജീവനക്കാരന് കയറിവരികയും ആക്രമിക്കുകയുമായിരുന്നു. ഇവരുടെ നിലവിളി കേട്ട് മറ്റൊരാള് എത്തിയതിനെ തുടര്ന്ന് ജീവനക്കാരന് ഓടി രക്ഷപ്പെട്ടു. പിന്നീട് വീണ്ടും കത്തിയുമായി വന്ന് ആക്രമിക്കുകയായിരുന്നു.
