കണ്ണൂര്: കണ്ണൂര് കാഞ്ഞിരക്കൊല്ലിയില് നായാട്ടിനിടെ റിസോര്ട് ഉടമ വെടിയേറ്റ് മരിച്ച സംഭവത്തില് രണ്ട് പേര് കസ്റ്റഡിയില്. കാഞ്ഞിരക്കൊല്ലി ഏലപ്പാറയിലെ പരത്തനാല് ബെന്നിയാണ് വെടിയേറ്റ് മരിച്ചത്. കാഞ്ഞിരക്കൊല്ലിയിലെ അരുവി റിസോട്ടിന്റെ ഉടമയാണ് ബെന്നി. ബെന്നിയുടെ മരണവുമായി ബന്ധപ്പെട്ട് സുഹൃത്താക്കളായ രജീഷ്, നാരായണന് എന്നിവരെ പയ്യാവൂര് പോലീസ് ചോദ്യം ചെയ്തു വരികയാണ്.
ഇന്ന് പുലര്ച്ചെയാണ് വിനോദ സഞ്ചാര കേന്ദ്രമായ കാഞ്ഞിരക്കൊല്ലി ശശി പാറയ്ക്ക് സമീപം റിസോര്ട്ട് ഉടമ വെടിയേറ്റ് മരിച്ചത്. സുഹൃത്തുക്കള്ക്കൊപ്പം നായാട്ടിനു പോയപ്പോഴായിരുന്നു സംഭവം. പാറ പുറത്തു വിശ്രമിക്കുന്നതിനിടെ തോക്കില് നിന്നും അബദ്ധവശാല് വെടിയുതിരുകയായിരുന്നു എന്നാണ് കൂടെയുണ്ടായിരുന്നവര് പോലീസിന് കൊടുത്ത മൊഴി. ഇത് പോലീസ് മുഖവിലക്കെടുത്തിട്ടില്ല.
