പത്തനംതിട്ട : ഗ്രാറ്റുവിറ്റി ലഭിക്കുന്നതിന് സംസ്ഥാന സര്ക്കാര് തുക അനുവദിക്കണമെന്ന് ആവശ്യപ്പെട്ടുകൊണ്ട് റിട്ടയേഡ് അങ്കണവാടി വര്ക്കേഴ്സ് & ഹെല്പ്പേഴ്സ് ഗ്രൂപ്പ് ഇന് കേരള പത്തനംതിട്ട ജില്ലാ കമ്മറ്റിയുടെ നേതൃത്വത്തില് പത്തനംതിട്ട സിവില് സ്റ്റേഷനു മുന്നില് നടത്തിയ ഏകദിന നിരാഹാര സമരം സംസ്ഥാന പ്രസിഡന്റ് ശശികല എസ്. ഉത്ഘാടനം ചെയ്തു. രമണി കെ.കെ അധ്യക്ഷത വഹിച്ചു. രാധാമണി, ലില്ലികുട്ടി, വത്സമ്മ തുടങ്ങിയവര് സംസാരിച്ചു. 2022ല് അംഗനവാടി ജീവനകാര്ക്ക് ഗ്രാറ്റിവിറ്റി അനുവദിച്ചു നല്കണമെന്ന് സുപ്രീം കോടതി വിധി ഉണ്ടായിട്ടും സംസ്ഥാന സര്ക്കാര് ഇതിന് തയ്യാറായിട്ടില്ല. പന്ത്രണ്ടായിരം രൂപ ലഭിക്കേണ്ട സ്ഥാനത്ത് ആറായിരം രൂപയില് താഴെ മാത്രമാണ് ലഭിക്കുന്നത്.
1975 മുതല് സേവനം അനുഷ്ടിക്കുന്നവര്ക്ക് പെന്ഷന്, ഗ്രാറ്റിവിറ്റി, മെഡിക്കല് ഇന്ഷുറന്സ് എന്നിവ ലഭ്യമാക്കണമെന്ന് ആവശ്യപ്പെട്ടാണ് ഇവര് സമരം നടത്തുന്നത്. വാര്ധക്യത്തിലായതോടെ പലര്ക്കും മരുന്ന് വാങ്ങാന് പോലും കയ്യില് പണമില്ലാത്ത അവസ്ഥയാണ്. കേരളത്തില് ശക്തമായ പ്രതിഷേധമാണ് ഉയരുന്നത്. സെക്രട്ടറിയേറ്റിന് മുന്പില് വിവിധ സമരങ്ങള് ഇത് സംബന്ധിച്ച് നടന്നു കഴിഞ്ഞു.
