വാളയാര്: ട്രെയിനിന് മുകളില് കയറി യാത്ര ചെയ്യുന്നതിനിടെ തെറിച്ചുവീണ് യുവാവിന് ഗുരുതര പരിക്ക്. രാത്രി ട്രെയിനിന് മുകളില് കയറി യാത്ര ചെയ്യുന്നതിനിടെയാണ് അപകടം ഉണ്ടായത്. തമിഴ്നാട് മധുര സ്വദേശി മാരിമുത്തുവിനാണ് (40) തലക്കും കാലിനും പരിക്കേറ്റത്. ഇയാളെ ജില്ല ആശുപത്രിയില് പ്രവേശിപ്പിച്ചു. വ്യാഴാഴ്ച രാത്രി എട്ടരയോടെ വാളയാര് മാന് പാര്ക്കിന് സമീപത്തെ വനത്തിലായിരുന്നു അപകടം.
ബംഗളൂരുവില് നിന്ന് കന്യാകുമാരിയിലേക്ക് പോയ ട്രെയിനിന് മുകളിലാണ് കിലോമീറ്ററുകളോളം യാത്ര ചെയ്തത്. കോയമ്പത്തൂര് മധുക്കരയില് നിന്നാണ് ട്രെയിനിന് മുകളില് കയറിയതെന്ന് സംശയിക്കുന്നതായി റെയില്വേ സംരക്ഷണസേന അറിയിച്ചു. നിര്ത്തിയിട്ട ട്രെയിനിന് മുകളിലേക്ക് ഒരാള് കയറുന്നത് ശ്രദ്ധയില്പ്പെട്ട യാത്രക്കാര് റെയില്വേ പോലീസിനും ആര്.പി.എഫിനും വിവരം നല്കുകയായിരുന്നു. തുടര്ന്ന് ഉദ്യോഗസ്ഥരെത്തി തെരഞ്ഞെങ്കിലും ഇയാളെ കണ്ടെത്താനായില്ല. വനമേഖലയില് വേഗം കുറവായിരുന്നെങ്കിലും ബി ലൈന് ട്രാക്കിലെ വളവില് ട്രെയിന് കടന്നുപോകുന്നതിനിടെ ഇയാള് തെറിച്ചുവീഴുകയായിരുന്നു.