തിരുവനന്തപുരം: കെകെ രമയ്ക്കെതിരായ അപവാദ പ്രചാരണത്തിനെതിരെ കേസ് കൊടുക്കാന് ആര്എംപി. എംവി ഗോവിന്ദനും സച്ചിന് ദേവിനും ദേശാഭിമാനിക്കും എതിരെ മാനനഷ്ടത്തിന് കേസ് കൊടുക്കുമെന്ന് ആര്എംപി വ്യക്തമാക്കി. സിപിഎം കേന്ദ്രങ്ങളുടെ അറിവോടെയാണ് രമയ്ക്കെതിരായ വധഭീഷണിയും നിയമസഭയിലെ സംഘര്ഷവും എന്നും ആരോപണം. ഇക്കാര്യങ്ങള് നിയമസഭാ സമിതി അന്വേഷിക്കണമെന്ന് ആവശ്യപ്പെട്ട് സ്പീക്കര്ക്ക് കത്ത് നല്കുമെന്ന് ആര്എംപി വ്യക്തമാക്കി. സ്പീക്കറുടെ ഓഫീസിന് മുന്നിലെ സംഘര്ഷത്തില് കെ കെ രമയുടെ കൈയ്ക്ക് പരിക്കേറ്റിരുന്നു.
അതേസമയം കഴിഞ്ഞ ദിവസം കെകെ രമ എംഎല്എയ്ക്കെതിരെ വധഭീഷണി കത്ത് ലഭിച്ചിരുന്നു.നിയമസഭാ സംഘര്ഷക്കേസിലെ പരാതി പിന്വലിച്ച് മാപ്പുപറയണമെന്നും ഇത് അവസാന താക്കീതെന്നുമാണ് കത്തില്. പയ്യന്നൂര് സഖാക്കള് എന്ന പേരിലാണ് ഭീഷണി കത്ത് അയച്ചിരിക്കുന്നത്. ”എടീ രമേ. നീ വീണ്ടും കളി തുടങ്ങിയല്ലേ? കൈ ഒടിഞ്ഞു, കാല് ഒടിഞ്ഞു എന്നെല്ലാം പറഞ്ഞ് സഹതാപം പിടിച്ച് പറ്റാന് നോക്കുകയാണ് അല്ലേ”. അവസാനത്തെ താക്കീതാണെന്നും കേസ് പിന്വലിച്ച് മാപ്പ് പറയണമെന്നുമാണ് കത്തിലെ ഭീഷണി.
