മല്ലപ്പള്ളി : കോട്ടാങ്ങൽ പാടി മൺ ജേക്കബ്സ് റോഡിൽ വാട്ടർ അതോറിറ്റിയുടെ പൈപ്പ് ലൈൻ പൊട്ടി രൂപപ്പെട്ടത് വലിയ ഗർത്തം. മൃഗാശുപത്രിക്കു സമീപം റോഡിന്റെ മധ്യഭാഗത്താണ് പൈപ്പ് ലൈൻ പൊട്ടിയതിനെ തുടർന്ന് റോഡ് കുഴിയായത്. 50 മീറ്ററോളം റോഡിന്റെ മധ്യഭാഗം രണ്ടായി പിളർന്ന നിലയിലാണ്.
കോടികൾ മുടക്കി റോഡ് ഉന്നത നിലവാരത്തിൽ ടാറിങ് പൂർത്തിയാക്കിയിട്ട് മാസങ്ങൾ പോലും തികയും മുൻപാണ് റോഡ് പൈപ്പ് പൊട്ടലിനെ തുടർന്ന് തകർച്ചയുടെ വക്കിലെത്തിയിരിക്കുന്നത്. ശാസ്താംകോയിക്കൽ മുതൽ കോട്ടാങ്ങൽ വരെ വിവിധ സ്ഥലങ്ങളിൽ റോഡ് വെട്ടിപൊളിച്ച് കുഴിയെടുത്തിരിക്കുകയാണ്. തിരന്തരമായ പൈപ്പ് പൊട്ടൽ റോഡിന്റെ തകർച്ച വേഗത്തിലാകുന്നതിന് കാരണമായിരിക്കുകയാണ്.
