കൊല്ലം: ബാങ്ക് ജപ്തി നോട്ടീസ് സ്ഥാപിച്ചതില് മനംനൊന്ത് ജീവനൊടുക്കിയ വിദ്യാര്ത്ഥിനിയെ അപമാനിച്ച കേരളാ ബാങ്ക് പ്രസിഡന്റ് ഗോപി കോട്ടമുറിക്കലിനെ പുറത്താക്കണമെന്ന് ആവശ്യപ്പെട്ട് ആര്.എസ്.പി ആര്.വൈ.എഫ് നേതൃത്വത്തില് പതാരം ശാഖയിലേക്ക് മാര്ച്ച് നടത്തി. ബാങ്കിനു മുന്നില് പ്രസിഡന്റിന്റെ കോലം കത്തിച്ച് പ്രവര്ത്തകര് പ്രതിഷേധിച്ചു. മാര്ച്ച് സംസ്ഥാന സെക്രട്ടറിയേറ്റംഗം ഇടവനശേരി സുരേന്ദ്രന് ഉദ്ഘാടനം ചെയ്തു.
തുണ്ടില് നിസാര് അധ്യക്ഷത വഹിച്ചു. കെ. മുസ്തഫ, പാങ്ങോട് സുരേഷ്, ഉല്ലാസ് കോവൂര്, പുലത്തറ നൗഷാദ്, എസ് ബഷീര്, ജി തുളസീധരന് പിള്ള, കെ രാജി, ബാബു ഹനീഫ, സുഭാഷ് എസ് കല്ലട, ഫെബി സ്റ്റാലിന്, അഡ്വ ദീപാ മണി, ഷമീന ഷംസുദ്ദീന്, എസ് ശശികല, ജി വിജയന് പിള്ള, ഷഫീഖ് മൈനാഗപ്പള്ളി, മുന്ഷീര് ബഷീര്, സജിത്ത് ഉണ്ണിത്താന്,ഷിലു, ബിനു മാവിനാത്തറ, നജിമുദ്ദീന് എന്നിവര് പങ്കെടുത്തു.
