പാലക്കാട് : പാലക്കാട് കിണാശ്ശേരിയില് ആര്എസ്എസ് പ്രവര്ത്തകന് സഞ്ജിത്തിനെ (27) വെട്ടിക്കൊലപ്പെടുത്തിയ കേസിലെ മുഖ്യ സൂത്രധാരന് പിടിയിലായി. എസ്ഡിപിഐ ഭാരവാഹിയായ കൊഴിഞ്ഞാമ്പാറ സ്വദേശിയാണ് പിടിയിലായത്. ഇയാളെ പൊലീസ് കസ്റ്റഡിയിലെടുത്തു. കൊലപാതകത്തില് നേരിട്ടു പങ്കുള്ളയാളാണ് പിടിയിലായതെന്നാണ് സൂചന . ഇതോടെ കേസില് 10 പ്രതികള് പിടിയിലായിട്ടുണ്ട്. ആര്എസ്എസ് തേനാരി മണ്ഡലം ബൗദ്ധിക് പ്രമുഖ് സഞ്ജിത്തിനെ നവംബര് 15നാണ് കിണാശ്ശേരി മമ്പ്രത്തു വെച്ച് കാറിലെത്തിയ 5 അംഗ സംഘം വെട്ടിക്കൊലപ്പെടുത്തിയത്. ഭാര്യയുമൊത്ത് ബൈക്കില് പോകുന്നതിനിടെ കാറിടിച്ചു വീഴ്ത്തിയ ശേഷമായിരുന്നു കൊലപാതകം. ബൈക്കില്നിന്നു തെറിച്ചു വീണ സഞ്ജിത്തിനെ ഭാര്യയുടെ മുന്നിലിട്ട് വടിവാള് ഉപയോഗിച്ച് വെട്ടുകയായിരുന്നു.
