കൊച്ചി : നടിയെ ആക്രമിച്ച കേസില് പുതിയ സാക്ഷികളെ വിസ്തരിക്കുന്നതിന് കൂടുതല് സമയം തേടി പ്രോസിക്യൂഷന് ഹൈക്കോടതിയില്. തുടരന്വേഷണം പൂര്ത്തിയാകുന്നതുവരെ പുതിയ സാക്ഷികളുടെ വിസ്താരം നീട്ടിവയ്ക്കണമെന്നും തുടരന്വേഷണം ഫലപ്രദമായി മുന്നോട്ടുപോകുന്നു എന്നും പ്രോസിക്യൂഷന് ഹൈക്കോടതിയില് വ്യക്തമാക്കി. പുതിയ സാക്ഷികളുടെ വിസ്താരം 10 ദിവസത്തിനകം പൂര്ത്തിയാക്കണമെന്നായിരുന്നു ഹൈക്കോടതി ഉത്തരവ് പുതിയ സാക്ഷികളില് രണ്ടു പേര് അയല്സംസ്ഥാനങ്ങളില് ആണുള്ളത്. മറ്റൊരാള് കോവിഡ് ബാധിച്ച് ചികിത്സയിലാണെന്നും പ്രോസിക്യൂഷന് വ്യക്തമാക്കി.
