ആലപ്പുഴ: ആലപ്പുഴ- കൊല്ലം ദേശീയ പാതയില് കന്നുകാലികളുമായി വന്ന ലോറിയുടെ പിന്നില് കണ്ടെയിനര് ലോറി ഇടിച്ചു അപകടം. തോട്ടപ്പള്ളിയ്ക്ക് സമീപം നടന്ന അപകടത്തില് കന്നുകാലികളെ കയറ്റിവന്ന ലോറിയിലെ ആന്ധ്രാ സ്വദേശീയായ ലോറിയിലെ ക്ലീനര് മരിച്ചു. വിശാഖപട്ടണം സ്വദേശി ചിന്ന റാവു ആണ് മരിച്ചു.
അപകടത്തില് ലോറിയിലുണ്ടായിരുന്ന ഇരുപത് കന്നുകാലികളും ചത്തു. പുലര്ച്ചെ രണ്ടു മണിയോടെയായിരുന്നു അപകടം. നിര്ത്തിയിട്ട ലോറിയ്ക്കു പിന്നില് കണ്ടെയിനര് ഇടിച്ചതിനെ തുടര്ന് ലോറി മറിയുകയായിരുന്നു. അപകടത്തെ തുടര്ന്ന് ദേശീയ പാതയില് മൂന്നര മണിക്കൂറോളം ഗതാഗതം തടസപ്പെട്ടു. പ്രദേശത്തെ വഴി വിളക്കുകള് പ്രവര്ത്തിക്കാത്തതാണ് അപകടത്തിന് കാരണമായതെന്ന് നാട്ടുകാര് പറഞ്ഞു.
