തിരുവനനന്തപുരം: തലശ്ശേരി ബിഷപ്പിന്റെ ബിജെപി അനുകൂല പ്രസ്താവനയെ വിരട്ടിയൊതുക്കാന് ശ്രമിച്ചിട്ടും അത് ഫലപ്രദമാകാതെ വന്നതോടെ സര്ക്കാര് അനുരഞ്ജന പാതയില്. ബിഷപ്പിന്റെ പ്രസ്താവനയ്ക്ക് പിന്നാലെ റബര് കര്ഷകരുടെ രോഷം ശമിപ്പിക്കാന് വേണ്ടി സബ്സിഡി അനുവദിച്ചു. റബ്ബര് ഉല്പ്പാദന സബ്സിഡിയാണ് സര്ക്കാര് അനുവദിച്ചിരിക്കുന്നത്. കുടിശ്ശികയുള്ള 23.45 കോടി രൂപയാണ് അനുവദിച്ചതോടെ കര്ഷകരുടെ അക്കൗണ്ടിലേക്ക് പണം എത്തിതുടങ്ങിയിട്ടുണ്ട്.
കഴിഞ്ഞ നാലു മാസത്തിലേറെയായി മുടങ്ങിക്കിടന്ന തുകയാണ് കര്ഷകരുടെ അക്കൗണ്ടിലേക്ക് എത്തിത്തുടങ്ങിയത്. ബിഷപ്പിന്റെ ഒറ്റ പ്രസ്താവന കൊണ്ട് അതിന് സാധിച്ചു എന്നത് സര്ക്കാര് വിഷയത്തില് എത്രത്തോളം പ്രതിരോധത്തിലായിരുന്നു എന്നതിന്റെയും തെളിവായി മാറി. റബ്ബറിന് വില നല്കുന്നവര്ക്ക് വോട്ട് എന്ന തലശ്ശേരി അതിരൂപത ആര്ച്ച് ബിഷപ്പ് മാര് ജോസഫ് പാംപ്ലാനിയുടെ പ്രസ്താന ഗുണം ചെയ്തെന്നാണ് കത്തോലിക്ക കോണ്ഗ്രസും പ്രതികരിച്ചത്.
എന്താണോ ബിഷപ്പ് ആഗ്രഹിച്ചത് അത് നടപ്പിലാക്കി. 250 രൂപ നല്കാമെന്നതായിരുന്നു എല്ഡിഎഫിന്റെ വാഗ്ദാനം. അത് പാലിക്കാന് സര്ക്കാറിന് സാധിച്ചിരുന്നില്ല. എന്നാല് ഇപ്പോള് ബിഷപ്പിന്റെ പ്രസ്താവനയ്ക്ക് പിന്നാലെയാണ് സര്ക്കാര് കുടിശ്ശിക തീര്ത്തത്. ഇപ്പോള് കര്ഷകര്ക്ക് 140 രൂപ മാത്രമാണ് ലഭിക്കുന്നത്. ഇതിനിടെയാണ് ബിഷപ്പിന്റെ പ്രസ്താവന പുറത്തുവന്നതും. അതേസമയം ബിഷപ്പിനെ പുകഴിത്ത്ി കൊണ്ട് ഷോര് ജോര്ജ്ജും രംഗത്തുവന്നു. ഫേസ്ബുക്ക് പോസ്റ്റിലൂടെയാണ് ഷോണിന്െ അഭിപ്രായ പ്രകടനം.
മാധ്യമങ്ങളുടെ മുന്നില് സഖാക്കന്മാര് ബിഷപ്പിനെ ചീത്ത വിളിച്ചെങ്കിലും, കൊള്ളേണ്ടിടതുകൊണ്ടു, റബ്ബര് വിലസ്ഥിരത പദ്ധതിയിലെ ഇന്നലെ വരെയുള്ള മുഴുവന് കുടിശ്ശികയും കര്ഷകരുടെ അക്കൗണ്ടില് രണ്ട് ദിവസത്തിനുള്ളില് എത്തി. പിതാവേ, നിങ്ങള് പുലിയാണ്. എന്ന് ഷോണ് കുറിച്ചു. ബിഷപ്പ് മാര് ജോസഫ് പാംപ്ലാനിയുടെ പ്രസ്തവന ഇങ്ങനെ: റബ്ബറിന്റെ വില എന്നു പറയുന്നത് ഒരു നിസാര വിഷയമായി എം.വി ഗോവിന്ദനു തോന്നുന്നുണ്ടാകും പക്ഷേ അത് മലയോര കര്ഷകര്ക്ക് ഒരു നിസാര വിഷയമായല്ലെന്ന് തലശ്ശേരി അതിരൂപത ആര്ച്ച് ബിഷപ്പ് മാര് ജോസഫ് പാംപ്ലാനി.
താന് പറഞ്ഞത് മലയോര കര്ഷകരുടെ നിലപാടാണെന്നും സഭയും ബിജെപിയും തമ്മിലുള്ള സഖ്യമായി ദുര്വ്യാഖ്യാനം ചെയ്യേണ്ടതില്ലെന്നും അദ്ദേഹം കൂട്ടിച്ചേര്ത്തു. കര്ഷകരുമായി കൂടിയാലോചിച്ചെടുത്ത നിലപാടാണത്. അവരുടെ പൊതുവികാരം താന് പ്രഖ്യാപിക്കുക മാത്രമാണ് ചെയ്തതെന്നും സഭയുടെ ആശയം പ്രചരിപ്പിച്ചതല്ലെന്നും അദ്ദേഹം വ്യക്തമാക്കി. ബിജെപി മാത്രമല്ല കര്ഷകരെ സഹായിക്കുന്ന ഏതു മുന്നണിയേയും പിന്തുണയ്ക്കുമെന്നും അദ്ദേഹം കൂട്ടിച്ചേര്ത്തു.
‘ബിജെപിയെ സഹായിക്കാമെന്നല്ല ഞാന് പറഞ്ഞത്. ഇപ്പോള് ഞങ്ങളെ സഹായിക്കാന് വേണ്ടി നയം രൂപീകരിക്കാന് സാധിക്കുന്നത് കേന്ദ്രം ഭരിക്കുന്ന ബിജെപിക്കാണ് അതു കൊണ്ടാണ് റബ്ബറിന്റെ ഇറക്കുമതി തീരുവയെ കുറിച്ച് തീരുമാനമെടുക്കുകയും റബ്ബറിന്റെ വില 300 രൂപയാക്കുകയും ചെയ്താല് കേന്ദ്ര സര്ക്കാരിനെ പിന്തുണയ്ക്കാന് ഇവിടുത്തെ മലയോര കര്ഷകര് തയ്യാറാകുമെന്നും പറഞ്ഞത്. കാരണം അവര് അത്രയേറെ ഗതികേടിലാണ്. പലരും ജപ്തി ഭീഷണി നേരിടുന്ന സാഹചര്യമാണ്. അവരുടെ ആകെ വരുമാന മാര്ഗം റബ്ബര് കൃഷിയാണ്. റബറിനെ ആരാണോ പിന്തുണയ്ക്കുന്നത് അവര്ക്ക് പിന്തുണ നല്കുമെന്ന് പറയുന്നത് മറ്റു രാഷ്ട്രീയ ലക്ഷ്യങ്ങളുടെ മറവിലല്ല. മറിച്ച് കര്ഷകന്റെ അവസ്ഥ അത്രമേല് ദയനീയമാണ് എന്ന് അധികാരികളുടെ ശ്രദ്ധയില്പ്പെടുത്താനാണ്. കര്ഷകരെ സഹായിക്കുന്ന ഏത് മുന്നണിയേയും പിന്തുണയ്ക്കും. അത് ഇടതോ കോണ്ഗ്രസോ ബിജെപിയോ ആകട്ടെ.’ അദ്ദേഹം വ്യക്തമാക്കി.
റബ്ബര് കര്ഷകര് ഒരു ചെറിയ വിഭാഗമല്ല. കേരളത്തില് ഏകദേശം 15 ലക്ഷത്തിലധികം കുടുംബങ്ങള് റബ്ബറിനെ ആശ്രയിച്ചാണ് ജീവിക്കുന്നത്.അവര് ഇപ്പോള് അനുഭവിക്കുന്നത് സമാനകളില്ലാത്ത പ്രതിസന്ധിയാണ്. ഒരു കിലോ റബ്ബറുത്പാദിപ്പിക്കാന് 220 രൂപയ്ക്കടുത്ത് ചെലവുണ്ട്. എന്നാല് കര്ഷകനു കിട്ടുന്നത് 120 രൂപയാണ്. അത് പരിഹരിക്കാന് ആരാണോ സഹായിക്കുന്നത് അവര്ക്കൊപ്പം കര്ഷകര് നില്ക്കും. ബിജെപിയാണ് സഹായിക്കുന്നതെങ്കില് അവര്ക്കൊപ്പം നില്ക്കും. ഇടതു മുന്നണിയാണെങ്കില് അവര്ക്കൊപ്പം. ഇതിനെ കത്തോലിക്കാ സഭയുടെ നിലപാടായി വ്യാഖ്യാനിക്കേണ്ട മതപരമായി ചിത്രീകരിക്കുകയും വേണ്ട.’ സര്ക്കാരിനെതിരെ നടത്തിയ വിമര്ശനം വസ്തുതാപരമാണെന്നും ബിജെപി നേതാക്കള് തങ്ങളെ സമീപിച്ചിട്ടില്ല എന്നും അദ്ദേഹം കൂട്ടിച്ചേര്ത്തു.
കണ്ണൂര് ആലക്കോട് നടന്ന കത്തോലിക്കാ കോണ്ഗ്രസിന്റെ പ്രതിഷേധ റാലിയിലായിരുന്നു മാര് ജോസഫ് പാംപ്ലാനിയുടെ പ്രതികരണം. റബ്ബറിനു 300 രൂപയാക്കിയാല് തിരഞ്ഞെടുപ്പില് ബിജെപിയെ സഹായിക്കാമെന്നും ബിജെപിക്ക് കേരളത്തില് ഒരു എംപി പോലുമില്ല എന്ന വിഷമം മാറ്റി തരാമെന്നുമായിരുന്നു ബിഷപ്പിന്റെ വാഗ്ദാനം. റബ്ബര് മാത്രമാണോ ക്രിസ്ത്യാനിയുടെ പ്രശ്നം. വേറെയും നിരവധി പ്രശ്നങ്ങള് ക്രിസ്ത്യാനിക്കുണ്ട്. ഉത്തരേന്ത്യന് സംസ്ഥാനങ്ങളില് ബിജെപി. ക്രിസ്ത്യന് സമൂഹങ്ങളെ നിരന്തരം വേട്ടയാടുകയാണെന്നും അങ്ങനെയുള്ളപ്പോള് റബ്ബര് വില ചൂണ്ടിക്കാട്ടി എങ്ങനെ ബിജെപിക്ക് വോട്ടു ചെയ്യാന് പറയും എന്നുമായിരുന്നു എം.വി ഗോവിന്ദന്റെ പ്രതികരണം.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
—————————————————————————————–
