റഷ്യ : റഷ്യന് പ്രതിപക്ഷ നേതാവ് അലക്സി നവല്നിക്ക് വിഷബാധ. വെന്റിലേറ്ററില് പ്രവേശിപ്പിക്കപ്പെട്ട ഇദ്ദേഹം ഇപ്പോള് കോമയിലാണ്. റഷ്യന് പ്രസിഡന്റ് വ്ലാദ്മിര് പുട്ടിന്റെ പ്രധാന എതിരാളിയാണ് 44-കാരനായ അലക്സി നവല്നി.
സൈബീരിയിന് പട്ടണമായ ടോംസ്കില്നിന്ന് മോസ്കോയിലേക്കുള്ള യാത്രാമധ്യേ ഫ്ലൈറ്റില് വെച്ചാണ് ഇദ്ദേഹത്തിന് വിഷബാധയേല്ക്കുന്നതെന്നാണ് റിപ്പോര്ട്ടുകള്. നവല്നിക്ക് കടുത്ത വിഷബാധയേറ്റതിനെത്തുടര്ന്ന് വിമാനം സൈബീരിയയിലെ ഓംസ്കില് അടിയന്തിര ലാന്ഡിങ് നടത്തുകയായിരുന്നു.
അപരിചിതമായ ഏതോ സൈക്കോഡിസ്ലെപ്റ്റിക് മരുന്നുകൊണ്ടാണ് അദ്ദേഹത്തെ അപായപ്പെടുത്താനുള്ള ശ്രമം നടന്നിട്ടുള്ളതെന്നും, കൃത്യമായി അത് ഏത് മരുന്നെന്ന് തിരിച്ചറിയാന്വേണ്ടിയുള്ള ഫോറന്സിക് പരിശോധനകള് നടന്നുകൊണ്ടിരിക്കുകയാണ് എന്നും അവര് പറഞ്ഞു. വിമാനത്തില് നിന്ന് അലക്സിയെ സ്ട്രെച്ചറില് കയറ്റി ആംബുലന്സിലേക്ക് കൊണ്ടുപോകുന്നതിന് ദൃശ്യങ്ങളും പുറത്തുവന്നിട്ടുണ്ട്.
