പത്തനംതിട്ട : ജില്ലയുടെ ചാര്ജ്ജുള്ള വനംമന്ത്രി കെ രാജുവിനെതിരെ പത്തനംതിട്ടയില് പ്രതിഷേധം വ്യാപകമാകുന്നു. നാളിതുവരെയായും കൊല്ലപ്പെട്ട മത്തായിയുടെ വീട് സന്ദര്ശിക്കുവാന് മന്ത്രി കൂട്ടാക്കിയിട്ടില്ലെന്നു മാത്രമല്ല ആരോപണ വിധേയരായിട്ടുള്ള ഉദ്യോഗസ്ഥരെ സംരക്ഷിക്കുന്ന നടപടികളുമാണ് മന്ത്രിയുടെ ഭാഗത്തുനിന്നും ഉണ്ടായിട്ടുള്ളത്.
വനംവകുപ്പ് മന്ത്രി കെ.രാജുവിന്റെ മുഴുവന് പരിപാടികളും ബഹിഷ്കരിക്കാൻ ജില്ലാ കോൺഗ്രസ്റ്റ് കമ്മിറ്റി തങ്ങളുടെ ജനപ്രതിനിധികൾക്ക് നിർദ്ദേശം നൽകിയതായി ഡി.സി.സി പ്രസിഡൻറ് ബാബു ജോർജ്ജ് അറിയിച്ചു. യു.ഡി.എഫ് ഇക്കാര്യത്തില് തീരുമാനമെടുക്കുന്ന മുറക്ക് ബഹിഷ്ക്കരണ സമരം കൂടുതല് ശക്തമാക്കുമെന്നും മനുഷ്യത്വം തൊട്ടുതീണ്ടിയിട്ടില്ലാത്ത വനം മന്ത്രിയെ പത്തനംതിട്ടക്ക് വേണ്ടെന്നും അദ്ദേഹം പറഞ്ഞു.
