കോന്നി: എസ്.എൻ.ഡി.പി യോഗം 3366 നമ്പർ ചെങ്ങറ ശാഖയിലെ ഗുരു ക്ഷേത്രത്തിലെ പതിനഞ്ചാമത് പ്രതിഷ്ഠ വാർഷികത്തോടനുബന്ധിച്ച് നടന്ന സമ്മേളനം എസ്.എൻ.ഡി.പി യോഗം അസിസ്റ്റന്റ് സെക്രട്ടറി ടി.പി സുന്ദരേശൻ ഉദ്ഘാടനം ചെയ്തു. ശാഖാ പ്രസിഡന്റ് വി.എൻ കമലാസനൻ യോഗത്തിൽ അധ്യക്ഷത വഹിച്ചു. എസ്.എസ്.എൽ.സി, ഹയർ സെക്കൻഡറി, ഡിഗ്രി പരീക്ഷകളിൽ മികച്ച വിജയം നേടിയ തൃപ്തി മനോജ്, അഭിജിത്ത് കെ.എസ്, അശ്വിനി എ. എന്നിവർക്ക് വെള്ളിയറ വി.എൻ ശ്രീധരൻ മെമ്മോറിയൽ അവാർഡുകളും ശാഖ സ്കോളർഷിപ്പുകളും മുൻ യൂണിയൻ പ്രസിഡന്റ് അഡ്വ. കെ.എൻ സത്യാനന്ദപണിക്കരും പി.എച്ച്.ഡി നേടിയ ഡോ.മഹിതയ്ക്ക് ശാഖയുടെ അവാർഡ് യോഗം അസിസ്റ്റന്റ് സെക്രട്ടറി ടി.പി സുന്ദരേശനും വിതരണം ചെയ്തു.
യൂണിയൻ സെക്രട്ടറി ഡി.അനിൽകുമാർ, യൂണിയൻ വൈസ് പ്രസിഡന്റ് സുനിൽ മംഗലത്ത്, മനോജ് സുകുമാരൻ, ശാഖാ സെക്രട്ടറി വിനി അനിൽകുമാർ, യൂണിയൻ കമ്മിറ്റിയംഗം അജേഷ് എസ് കുമാർ എന്നിവർ സംസാരിച്ചു. പ്രതിഷ്ഠ വാർഷികത്തോടനുബന്ധിച്ച് നിർമാല്യദർശനം, മഹാ ശാന്തിഹവനം, കലശപൂജ, സർവൈശ്വര്യപൂജ, കലശാഭിഷേകം, പ്രഭാഷണം, ഗുരുപൂജ, ദീപാരാധന എന്നിവയും നടന്നു.
