പത്തനംതിട്ട : ശബരിമല മണ്ഡല-മകരവിളക്ക് ഉല്സവത്തിന് ഇന്ന് തുടക്കമായി. ഇന്നലെ വൈകുന്നേരം ക്ഷേത്രതന്ത്രി കണ്ഠരര് മഹേഷ് മോഹനരുടെ മുഖ്യകാര്മ്മികത്വത്തില് ക്ഷേത്രമേല്ശാന്തി വി.കെ.ജയരാജ് പോറ്റി ക്ഷേത്രനട തുറന്ന് ദീപങ്ങള് തെളിയിച്ചു.
നവംബര് 16 മുതല് ഡിസംബര് 26 വരെയാണ് മണ്ഡലപൂജാ മഹോല്സവം. മകരവിളക്ക് ഉല്സവത്തിനായി ശബരിമല ക്ഷേത്രനട ഡിസംബര് 30 ന് തുറക്കും. മകരവിളക്ക് ഉല്സവം ഡിസംബര് 30 മുതല് ജനുവരി 20 വരെയാണ്. ഇന്ന് മുതല് ഭക്തരെ ശബരിമലയിലേക്ക് പ്രവേശിപ്പിക്കും. ജനുവരി 19 വരെ ഭക്തര്ക്ക് ദര്ശനത്തിനുള്ള അനുമതി ഉണ്ട്. തങ്കഅങ്കി ചാര്ത്തിയുള്ള മണ്ഡലപൂജ ഡിസംബര് 26 ന്. തിരുവാഭരണം ചാര്ത്തിയുള്ള ദീപാരാധന ജനുവരി 14 ന് വൈകുന്നേരം 6.30 ന് നടക്കും. മകരവിളക്ക് ജനുവരി 14 ന് ആണ്.
