റാന്നി: ശബരിമല തീര്ത്ഥാടകര്ക്ക് അടിസ്ഥാന സൗകര്യം ഒരുക്കുവാൻ ഫണ്ട് അനുവദിക്കാത്തതിനെതിരെ തിരുവിതാംകുർ ഹിന്ദു ധർമ്മ പരിഷത്ത് പ്രതിഷേധിച്ചു. മുൻവർഷങ്ങളിൽ അയ്യപ്പന്മാർക്ക് അടിസ്ഥാന സൗകര്യം ഒരുക്കുന്നതിന് റാന്നി , അങ്ങാടി , പഴവങ്ങാടി , ചെറുകോൽ , അയിരൂർ പഞ്ചായത്തുകൾക്ക് പ്രത്യേക ഫണ്ട് അനുവദിച്ചിരുന്നു. എന്നാൽ ഈ വർഷം ഇതുവരെയും ഫണ്ട് അനുവദിച്ചിട്ടില്ല.
സാമ്പത്തിക പ്രശ്നങ്ങള് മൂലം ഈ പഞ്ചായത്തുകൾക്ക് അടിസ്ഥാന സൗകര്യം ഒരുക്കാൻ കഴിയാത്ത സാഹചര്യമാണ് നിലവിലുള്ളത്. അടിയന്തിരമായി പഞ്ചായത്തുകൾക്ക് ഫണ്ട് അനുവദിപ്പിക്കാൻ വേണ്ട നടപടികൾ ജനപ്രതിനിധികളുടെയും ഉദ്യോഗസ്ഥരുടെയും ഭാഗത്തുനിന്നും ഉണ്ടാകണമെന്ന് ഹിന്ദുധർമ്മ പരിഷത്ത് എക്സിക്യൂട്ടീവ് കമ്മിറ്റി ആവശ്യപ്പെട്ടു. പ്രസിഡന്റ് നീലകണ്ഠൻ നമ്പൂതിരിയുടെ അധ്യക്ഷത വഹിച്ചു. എ എൻ ബാലൻ, ശ്രീനി ശാസ്താംകോവിൽ, ടി എസ് സോമൻ, ഭാസ്കരൻ നായർ, പ്രസാദ് കുമാർ, അജീഷ് റാന്നി എന്നിവർ പ്രസംഗിച്ചു.
