ശബരിമല : കോവിഡില് നിന്ന് രക്ഷപ്പെടുത്തിയ അയ്യന് വജ്രങ്ങള് പതിച്ച കിരീടവുമായി ഭക്തന്. ശബരിമല ധര്മ്മശാസ്താവിന് രത്നങ്ങള് പതിപ്പിച്ച സ്വര്ണക്കിരീടം ആന്ധ്രാ സ്വദേശി മാറം വെങ്കട്ട സുബ്ബയ്യയാണ് സമര്പ്പിച്ചത്. എല്ലാംകൂടി 500 ഗ്രാം 600 മില്ലി ഗ്രാം തൂക്കം വരും. ചുറ്റും വജ്രക്കല്ലുകളും നടുവില് ചുവന്നരത്നവും പതിച്ചിട്ടുണ്ട്. 50 ലക്ഷം രൂപയിലേറെ മൂല്യം കണക്കാക്കുന്നു. വെങ്കട്ട സുബ്ബയ്യയ്ക്ക് കോവിഡ് ബാധിച്ചിരുന്നു. ഗുരുതരാവസ്ഥയില് ആശുപത്രിയില് ചികിത്സയില് കഴിയുമ്പോള് നേര്ന്നതാണിതെന്ന് അദ്ദേഹം പറഞ്ഞു. അസുഖം ഭേദമായതോടെയാണ് കിരീടവുമായി സുബ്ബയ്യ മല ചവിട്ടിയെത്തിയത്. വ്യാഴാഴ്ച സന്നിധാനത്ത്, ദേവസ്വം ബോര്ഡ് പ്രസിഡന്റ് അഡ്വ.കെ.അനന്തഗോപന്, ബോര്ഡംഗം മനോജ് ചരളേല്, ശബരിമല എക്സിക്യൂട്ടീവ് ഓഫീസര് കൃഷ്ണകുമാര വാരിയര്, അഡ്മിനിസ്ട്രേറ്റീവ് ഓഫീസര് സുനില്കുമാര് എന്നിവരുടെ സാന്നിധ്യത്തിലാണ് ഇത് സമര്പ്പിച്ചത്.
കോവിഡില് നിന്ന് രക്ഷപ്പെടുത്തിയ അയ്യന് വജ്രങ്ങള് പതിച്ച കിരീടവുമായി ഭക്തന്
RECENT NEWS
Advertisment