ഡല്ഹി: പിതാവിനെതിരായ ബി.ജെ.പി ഐ.ടി സെല് തലവന് അമിത് മാളവ്യയുടെ ആരോപണത്തിനെതിരെ കോണ്ഗ്രസ് നേതാവ് സച്ചിന് പൈലറ്റ്. മിസോറാമില് സചിന്റെ പിതാവ് ബോംബാക്രമണം നടത്തിയെന്നായിരുന്നു ആരോപണം. എന്നാല്, അമിത് മാളവ്യയുടെ പ്രസ്താവന തെറ്റിദ്ധരിപ്പിക്കുന്നതാണെന്ന് അദ്ദേഹം പറഞ്ഞു. ഇന്ത്യന് എയര്ഫോഴ്സ് വിമാനത്തില് യാത്ര ചെയ്യുന്നതിനിടെ മിസോറാം തലസ്ഥാനമായ ഐസ്വോളില് സച്ചിന്റെ പിതാവ് ബോംബുകളിട്ടെുവെന്നായിരുന്നു അമിത് മാളവ്യയുടെ ആരോപണം. ഇരുവരും പിന്നീട് എം.പിമാരായി മാറി. വോമാക്രണം നടത്തിയതിന് ഇരുവരേയും ഇന്ദിരാഗാന്ധി അഭിനന്ദിച്ചുവെന്നും അമിത് മാളവ്യ ആരോപിച്ചിരുന്നു.
തന്റെ പിതാവ് ബോംബിട്ടിട്ടുണ്ടെന്നും അത് കിഴക്കന് പാകിസ്താനില് 1971ലെ യുദ്ധത്തിനിടെയായിരുന്നുവെന്ന് അദ്ദേഹം പറഞ്ഞു. 1966 ഒക്ടോബര് 29നാണ് അദ്ദേഹം എയര്ഫോഴ്സിന്റെ ഭാഗമായതെന്നും സചിന് പൈലറ്റ് പറഞ്ഞു. അമിത് മാളവ്യ പറഞ്ഞ സമയത്ത് അദ്ദേഹം എയര്ഫോഴ്സിലുണ്ടായിരുന്നില്ല. കഴിഞ്ഞ ദിവസം അവശ്വാസപ്രമേയ ചര്ച്ചക്കിടയിലും ഇന്ത്യന് എയര്ഫോഴ്സിനെ ഉപയോഗിച്ച് മിസോറാമിനെ തകര്ക്കാന് ഇന്ദിരാഗാന്ധി ശ്രമിച്ചുവെന്ന് മോദി പറഞ്ഞിരുന്നു.
