ജയ്പൂര്: തന്റെ ആവശ്യങ്ങളില് ഈ മാസാവസാനത്തിനകം നടപടി സ്വീകരിച്ചില്ലെങ്കില് രാജസ്ഥാനില് വന് പ്രക്ഷോഭം സംഘടിപ്പിക്കുമെന്ന് ഭീഷണിയുമായി കോണ്ഗ്രസ് നേതാവ് സച്ചിന് പൈലറ്റ്. സച്ചിന് പൈലറ്റ് നയിക്കുന്ന ജന് സംഘര്ഷ് യാത്ര സമാപിച്ചു. രാജസ്ഥാന് മുഖ്യമന്ത്രി അശോക് ഗെഹലോട്ടുമായി അഭിപ്രായ ഭിന്നത രൂക്ഷമായ സാഹചര്യത്തിലാണ് വസുന്ധര രാജെ സിന്ധ്യ നയിച്ച ബിജെപി സര്ക്കാര് നടത്തിയ അഴിമതികള് അന്വേഷിക്കണമെന്നാവശ്യപ്പെട്ടാണ് സച്ചിന് പൈലറ്റ് ജന്സംഘര്ഷ് യാത്ര അജ്മീറില് നിന്നും ജയ്പൂരിലേക്ക് ആരംഭിച്ചത്.
പിന്തിരിപ്പിക്കാനുള്ള എല്ലാ ശ്രമങ്ങളും പരാജയപ്പെട്ടതോടെ യാത്രയെ കോണ്ഗ്രസ് ദേശീയ നേതൃത്വം തള്ളി പറഞ്ഞു. ചോദ്യപേപ്പര് ചോര്ച്ചയിലും സര്ക്കാര് നടപടി സ്വീകരിക്കണമെന്നും ഈ വിഷയങ്ങള് ഉന്നയിച്ചതു മൂലം ഉണ്ടാകുന്ന എന്ത് നഷ്ടവും സഹിക്കാന് തയ്യാര് എന്നും സച്ചിന് പൈലറ്റ് പറഞ്ഞു. ഈ വര്ഷം അവസാനം നിയമസഭാ തെരഞ്ഞെടുപ്പ് നടക്കാനിരിക്കെ ദേശീയ നേതൃത്വത്തെ പോലും തന്റെ യാത്ര കൊണ്ട് സച്ചിന് പൈലറ്റ് പ്രതിരോധത്തിലാക്കിയിട്ടുണ്ട്.
