റാന്നി: സഹകരണ വാരാഘോഷത്തിന്റെ ഭാഗമായി റാന്നി സർക്കിൾ സഹകരണ യൂണിയന്റെ നേതൃത്വത്തില് സെമിനാർ സംഘടിപ്പിച്ചു. പെരുന്തേനരുവി ടൂറിസ്റ്റ് കൺവൻഷൻ സെന്ററിൽ നടന്ന സെമിനാർ ജില്ലാ പഞ്ചായത്ത് പ്രസിഡന്റ് ഓമല്ലൂർ ശങ്കരൻ ഉദ്ഘാടനം ചെയ്തു.
പെരുന്തേനരുവി ടൂറിസം ഡെവലപ്മെന്റ് സഹകരണ സംഘം പ്രസിഡന്റ് ആർ. വരദരാജൻ അധ്യക്ഷത വഹിച്ചു. സഹകരണ സംഘം അസിസ്റ്റന്റ് രജിസ്ട്രാർ വി. ജി അജയകുമാർ, ജില്ലാ ടൂറിസം പ്രമോഷൻ കൗൺസിൽ മുൻ സെക്രട്ടറി വർഗീസ് പുന്നൻ എന്നിവർ പ്രബന്ധങ്ങൾ അവതരിപ്പിച്ചു.
റാന്നി സർക്കിൾ സഹകരണ യൂണിയൻ ചെയർമാൻ പി. ആർ. പ്രസാദ്, വെൺകുറിഞ്ഞി സഹകരണ ബാങ്ക് പ്രസിഡന്റ് എം. ബി. സുരേഷ് കുമാർ, രമേശ് ബാബു, ജോജി ജോർജ്,പി. എ.അനിൽ, ജ്യോതി ശ്രീനിവാസ്, സാബു പുല്ലാട്ട്, ജോർജ് തോമസ്, ജേക്കബ് മാത്യു, സ്കറിയ ജോൺ എന്നിവർ പ്രസംഗിച്ചു.
