റാന്നി : അക്രമരാഷ്ട്രീയത്തിന് മുന്നിൽ ധീര രക്തസാക്ഷിത്വം വരിച്ച കെ.പി സജിത്ത് ലാലിന്റെ 27-ാം രക്തസാക്ഷി ദിനം ആചരിച്ചു. രക്തസാക്ഷി ദിനത്തോടനുബന്ധിച്ച് റാന്നി ഇട്ടിയപ്പാറയിൽ പുഷ്പാർച്ചനയും അനുസ്മരണവും നടത്തി. ഡിസിസി പ്രസിഡന്റ് സതീഷ് കൊച്ചുപറമ്പിൽ, കെപിസിസി സെക്രട്ടറി റിങ്കു ചെറിയൻ, ഡിസിസി ജനറൽ സെക്രട്ടറി ജയവർമ്മ, എബ്രഹാം പനച്ചിമുട്ടിൽ, ബ്ലോക്ക് കോൺഗ്രസ് കമ്മിറ്റി പ്രസിഡന്റ് രാജു മരുതിക്കൽ, പഞ്ചായത്ത് പ്രസിഡന്റ് അനിത അനിൽകുമാർ, യൂത്ത് കോൺഗ്രസ് മണ്ഡലം പ്രസിഡന്റ് ആൽഫിൻ പുത്തൻകയ്യാലക്കൽ, വൈസ് പ്രസിഡന്റ് സൗമ്യ ജി നായർ എന്നിവര് പ്രസംഗിച്ചു.
