ബഹറിന് : കോവിഡ് ബാധിച്ച് ബഹ്റൈനില് ഒരു മലയാളി കൂടി മരിച്ചു. ഇതോടെ ബഹറിനില് മരിച്ച മലയാളികളുടെ എണ്ണം നാലായി. അടുര് ആനന്ദപ്പളളി സാം സാമുവേല് (51) ആണ് മരിച്ചത്. കോവിഡ് ബാധയെ തുടര്ന്ന് ഒരു മാസത്തോളം ചികിത്സയിലായിരുന്നു. ചുമയെ തുടര്ന്ന് ജൂണ് 11 ന് നടത്തിയ ടെസ്റ്റിലാണ് ഇദ്ദേഹത്തിന് കോവിഡാണെന്ന് സ്ഥിരീകരിച്ചത്. പിറ്റേന്ന് തന്നെ ബി.ഡി.എഫ് ആശുപത്രിയില് പ്രവേശിപ്പിച്ച് ചികിത്സ തുടങ്ങിയെങ്കിലും ന്യൂമോണിയ ഗുരുതരമായി മാറി.
സാമൂഹ്യ പ്രവര്ത്തകനായ സാം ബ്ഹറൈനിലെ കാരുണ്യ-സേവന പ്രവര്ത്തനങ്ങളില് സജീവമായിരുന്നു. ഇദ്ദേഹം മുന്കൈയെടുത്ത് രൂപീകരിച്ച സബര്മതി കള്ച്ചറല് ഫോറത്തിന്റെ കീഴില് കോവിഡ് മൂലം ദുരിതത്തിലായ തൊഴിലാളികള്ക്ക് ഭക്ഷണ കിറ്റുകള് നല്കുന്ന പ്രവര്ത്തനത്തില് ഏര്പ്പെട്ടു വരികയായിരുന്നു. വിവിധ ലേബര് ക്യാമ്പുകളിലായി 1600 തൊഴിലാളികള്ക്ക് ഭക്ഷ്യ ധാന്യങ്ങള് എത്തിച്ചു നല്കി. ഇതിനിടെയിലാണ് രോഗം ബാധിച്ച് ആശുപത്രിയില് പ്രവേശിപ്പിച്ചത്. ബഹ്റൈന് ആഭ്യന്തര മന്ത്രാലയത്തിലെ ജീവനക്കാരനായ സാം 25 വര്ഷമായി പ്രവാസലോകത്തുണ്ട്.
