റാന്നി : ലോക്ഡൗണിനു ശേഷം നടക്കുന്ന പ്രൈമറിതല പൊതുപരീക്ഷയായ എല്.എസ്എസ്, യു.എസ്.എസ് സ്കോളർഷിപ്പ് പരീക്ഷകൾക്ക് ചിട്ടയായ തീവ്രപരിശീലനങ്ങൾ നൽകി കുട്ടികൾക്ക് ആത്മവിദ്യാഭ്യാസം നൽകിയിരിക്കുകയാണ് റാന്നി ഉപജില്ല. മാതൃക പരീക്ഷയിൽ മുന്നൂറിൽ പരം കുട്ടികൾ വിവിധ വിദ്യാലയങ്ങളിലായി പരീക്ഷയിൽ പങ്കെടുത്തു.
സ്കൂൾ അധ്യയന സമയം കഴിഞ്ഞു നടന്ന പരീക്ഷയ്ക്ക് അതാത് വിദ്യാലയങ്ങളിലെ അധ്യാപകർ തന്നെ നേതൃത്വം നൽകി. വാട്സ് ആപ്പ് ഗ്രൂപ്പുകൾ, ഗൂഗിൾ മീറ്റ് വഴിയാണ് കുട്ടികൾക്ക് പരിശീലനം നൽകിയത്. ജില്ലയ്ക്ക് പുറത്തുനിന്നുമുള്ള വിദഗ്ധരുടെ ക്ലാസ്സുകളും കുട്ടികൾക്കും രക്ഷിതാക്കൾക്കും നൽകി. ഉപജില്ലാ വിദ്യാഭ്യാസ ഓഫീസർ എം. ഷംജിത് പ്രവർത്തനങ്ങൾക്ക് നേതൃത്വം നൽകി.