മാസങ്ങളായി അടച്ചിട്ടിരുന്ന കൊല്ലത്തെ സമ്പ്രാണിക്കോടി തുരുത്ത് കർശന നിയന്ത്രണങ്ങളോടെ വെള്ളിയാഴ്ച തുറക്കും. ഒരു ദിവസം 1,000 പേരെ മാത്രമേ സന്ദർശിക്കാൻ അനുവദിക്കൂവെന്ന് ഡിടിപിസി ഉദ്യോഗസ്ഥർ അറിയിച്ചു. കഴിഞ്ഞ ജൂലൈയിൽ ഡിങ്കിവള്ളം മറിഞ്ഞ് പ്രദേശത്തെ ഒരു സ്ത്രീ മരിച്ചതിനെ തുടർന്നാണ് സന്ദർശകർക്ക് നിരോധനം ഏർപ്പെടുത്തിയത്. തുരുത്ത് ഭാഗത്തേക്ക് പോകാനുള്ള അനുമതിക്കായി 53 ബോട്ടുകളാണ് രജിസ്റ്റർ ചെയ്തിരുന്നത്. ആദ്യ ഘട്ടത്തിൽ ബന്ധപ്പെട്ട എല്ലാ രേഖകളും സഹിതം 19 ബോട്ടുകൾക്ക് പ്രവർത്തിക്കാൻ അനുമതി നൽകിയിട്ടുണ്ട്.
രേഖകൾ ശരിയാക്കി സമർപ്പിക്കുമ്പോൾ രണ്ടാം ഘട്ടത്തിൽ ശേഷിക്കുന്ന ബോട്ടുകൾ അനുവദിക്കും. കൂടാതെ, കനാൽ ലൈസൻസുള്ള എട്ട് വള്ളങ്ങള്‍ക്ക് ടൂറിസ്റ്റുകളുമായി തുരുത്തിന് ചുറ്റും തുഴഞ്ഞ് കാഴ്ചകൾ കാണിക്കാൻ അനുമതി നൽകിയിട്ടുണ്ട്. ഒരാൾക്ക് 150 രൂപയാണ് തുരുത്തിലേക്കുള്ള യാത്രാ നിരക്ക്. കുട്ടികൾക്കും കെ.എസ്.ആർ.ടി.സിയുടെ ബജറ്റ് ടൂറിസം പദ്ധതിയുടെ ഭാഗമായി വരുന്നവർക്കും നിരക്ക് കുറയ്ക്കണമെന്ന ആവശ്യവും ഉയർന്നിട്ടുണ്ട്. ഇത് പിന്നീട് പരിഗണിക്കും. ഓൺലൈനായി ടിക്കറ്റ് നൽകാൻ തീരുമാനിച്ചിരുന്നെങ്കിലും ഓൺലൈൻ സംവിധാനം ഏർപ്പെടുത്തുന്നതിന് കാലതാമസം വരുമെന്നതിനാൽ സമ്പ്രാണിക്കോടി ഡി.ടി.പി.സി സെന്‍റർ വഴി ടിക്കറ്റുകൾ ഓഫ്‌ലൈനായാണ് വിതരണം ചെയ്യുക.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
