പത്തനംതിട്ട : ക്രിസ്മസ് ആഘോഷങ്ങൾക്ക് നേരെയുളള സംഘപരിവാർ ആക്രമണങ്ങൾക്കെതിരെ എസ്ഡിപിഐ പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ പ്രതിഷേധം സംഘടിപ്പിച്ചു. പത്തനംതിട്ട പഴയ ബസ് സ്റ്റാന്റിൽ നടന്ന പ്രതിഷേധ സംഗമം സംസ്ഥാന സെക്രട്ടറി അൻസാരി ഏനാത്ത് ഉദ്ഘാടനം ചെയ്തു. ജില്ലാ പ്രസിഡന്റ് എസ് മുഹമ്മദ് അനീഷ് അധ്യക്ഷത വഹിച്ചു.
ജില്ലാ ജനറൽ സെക്രട്ടറി സലിം മൗലവി, ജില്ലാ സെക്രട്ടറി ഷഫ്ന റാഷിദ്, വിമൺ ഇന്ത്യ മൂവ്മെന്റ് ജില്ലാ പ്രസിഡന്റ് അംജിത അജ്മൽ, കടമ്പനാട് ഗ്രാമപഞ്ചായത്തംഗം ഷൈജു സംസാരിച്ചു. ജില്ലാ വൈസ് പ്രസിഡന്റ് മുഹമ്മദ് പി സലീം, ജില്ലാ ജനറൽ സെക്രട്ടറി അൻസാരി മുട്ടാർ, ജില്ലാ സെക്രട്ടറി സുധീർ കോന്നി, ജില്ലാ ട്രഷറർ ഷാജി കോന്നി, ജില്ലാ- മണ്ഡലം ഭാരവാഹികൾ പങ്കെടുത്തു.
