ഇന്‍റര്‍നെറ്റ്​ ബാങ്കിങ്​ സേവനങ്ങള്‍ തടസപ്പെടുമെന്ന് മുന്നറിയിപ്പുമായി എസ്​.ബി.ഐ

ന്യൂഡല്‍ഹി : ഇന്‍റര്‍നെറ്റ്​ ബാങ്കിങ്​ സേവനങ്ങള്‍ തടസപ്പെടുമെന്ന് മുന്നറിയിപ്പുമായി എസ്​.ബി.ഐ. ശനിയാഴ്ച സേവനങ്ങള്‍ക്ക്​ തടസം നേരിടുമെന്നാണ്​ എസ്​.ബി.ഐ ചൂണ്ടിക്കാട്ടുന്നത്.​ സെര്‍വറുകളില്‍ അറ്റകൂറ്റപ്പണി​ നടക്കുന്നതിനാലാണ്​ സേവനം തടസപ്പെടുന്നതെന്നും എസ്​.ബി.ഐ ട്വീറ്റില്‍ അറിയിപ്പ് നല്‍കിയിട്ടുണ്ട്. ഇന്‍റര്‍നെറ്റ്​ ബാങ്കിങ്​, യോനോ, യോനോ ലൈറ്റ്​, യു.പി.ഐ സേവനങ്ങള്‍ തടസപ്പെടുമെന്നാണ്​ എസ്​.ബി.ഐയുടെ അറിയിപ്പ്​. 300 മിനിറ്റ്​ നേരത്തേക്കാവും സേവനങ്ങള്‍ തടസപ്പെടുക . ശനിയാഴ്ച രാത്രി 11.30 മുതല്‍ 4.30 വരെയാകും തടസം നേരിടുക.
ജനങ്ങള്‍ക്ക്​ നേരിടുന്ന ബുദ്ധിമുട്ടില്‍ ക്ഷമ ചോദിക്കുകയാണെന്നും എസ്​.ബി.ഐ അറിയിച്ചു.