ഡല്‍ഹി: വിദേശ രാജ്യങ്ങളിലെ സാഹചര്യവും ഇന്ത്യന്‍ സാഹചര്യവും താരതമ്യം ചെയ്യരുതെന്ന് സുപ്രീംകോടതി. ഹിജാബ് കേസുമായി ബന്ധപ്പെട്ട വിഷയത്തിലാണ് ഇങ്ങനെയൊരു പരാമര്‍ശം. നമ്മുടേത് ഒരു യാഥാസ്ഥിതിക സമൂഹമാണ്. അമേരിക്കയിലെ കോടതിവിധികള്‍ അവിടുത്തെ സാഹചര്യത്തിലുള്ളതാണെന്നും അതേ സാഹചര്യം ഇന്ത്യക്ക് പിന്തുടരാനാകില്ലെന്നും കോടതി പറഞ്ഞു.
അമേരിക്കയില്‍ മുഖാവരണം സര്‍ക്കാര്‍ ഓഫീസുകളില്‍ അനുവദിച്ചുകൊണ്ട് കോടതി വിധിച്ചിട്ടുണ്ടെന്ന വാദത്തിനാണ് കോടതിയുടെ മറുപടി. അഭിഭാഷകര്‍ കേസ് വാദിക്കാന്‍ എത്തുന്നത് കോടതി അനുവദിച്ച യൂണിഫോം ധരിച്ചല്ലേ എന്ന് ജസ്റ്റിസ് ഹേമന്ദ് ഗുപ്ത ചോദിച്ചു. വസ്ത്രം ധരിക്കാനുള്ള അവകാശം പോലെയല്ലേ വസ്ത്രം ധരിക്കാതിരിക്കാനുള്ള അവകാശം എന്നും കോടതി ചോദിച്ചു.
