ഡല്ഹി: ഒരു വിവാഹ ബന്ധം അവസാനിപ്പിക്കാന് രണ്ട് പങ്കാളികളില് ആരെങ്കിലുമൊരാള് മോശമോ കുറ്റക്കാരോ ആണെന്ന് കോടതിയില് തെളിയിക്കേണ്ടെന്ന് സുപ്രീംകോടതി.പങ്കാളികള് രണ്ടുപേരും വ്യക്തിപരമായി നല്ലവരാകാമെങ്കിലും ബന്ധത്തില് തീരെ പൊരുത്തപ്പെടാനാകാത്ത സാഹചര്യം ഉണ്ടായേക്കാമെന്ന് സുപ്രീംകോടതി ബുധനാഴ്ച നിരീക്ഷിച്ചു.
ജസ്റ്റിസ് സഞ്ജയ് കിഷന് കൗള് അധ്യക്ഷനായ ബെഞ്ചാണ് സുപ്രധാന നിരീക്ഷണങ്ങള് നടത്തിയത്. പുനഃസ്ഥാപിക്കാനാവാത്ത ബന്ധങ്ങളുടെ തകര്ച്ചയുടെ അടിസ്ഥാനത്തില് വിവാഹമോചനം അനുവദിക്കാനുള്ള സുപ്രീംകോടതിയുടെ അധികാരവുമായി ബന്ധപ്പെട്ട ഒരു കൂട്ടം ഹര്ജികള് പരിഗണിക്കവേയായിരുന്നു കോടതിയുടെ പരാമര്ശം. ജസ്റ്റിസ് സഞ്ജയ് കിഷന് കൗളിനെക്കൂടാതെ ജസ്റ്റിസുമാരായ സഞ്ജീവ് ഖന്ന, എഎസ് ഓക്ക, വിക്രം നാഥ്, ജെകെ മഹേശ്വരി എന്നിവരും ബെഞ്ചിലുണ്ടായിരുന്നു.
