ആലപ്പുഴ : ചെട്ടികുളങ്ങര ഗ്രാമപഞ്ചായത്തിലെ കണ്ണമംഗലം തെക്ക് ഗവണ്മെന്റ് യു.പി സ്കൂളിന്റെ പുതിയ കെട്ടിടം 2021ഡിസംബർ 13 ഉച്ചകഴിഞ്ഞ് 3.30 ന് വിദ്യാഭ്യാസ വകുപ്പ് മന്ത്രി വി ശിവന്കുട്ടി ഉദ്ഘാടനം ചെയ്യും. അഡ്വ.യു. പ്രതിഭ എം.എല്.എ അധ്യക്ഷത വഹിക്കും. എം.എല്.എയുടെ ആസ്തി വികസന ഫണ്ടില് നിന്നും 50 ലക്ഷം രൂപ വിനിയോഗിച്ച് 3230 ചതുരശ്ര അടി വിസ്തീര്ണത്തിലാണ് പുതിയ ബഹുനില കെട്ടിടം നിര്മിച്ചത്. ബ്ലോക്ക് പഞ്ചായത്ത് പ്രസിഡന്റ് ഇന്ദിരാ ദാസ്, ഗ്രാമപഞ്ചായത്ത് പ്രസിഡന്റ് സി. സുധാകര കുറുപ്പ്, വിദ്യാഭ്യാസ ഉപഡയറക്ടര് വി.ആര്. ഷൈല, ഗ്രാമ പഞ്ചായത്ത് വൈസ് പ്രസിഡന്റ് ലളിതാ ശശിധരന് മറ്റു ജനപ്രതിനിധികള് തുടങ്ങിയവര് പങ്കെടുക്കും.
