കോഴിക്കോട് : അഞ്ചു വയസ്സുകാരിയെ വീട്ടില് വിളിച്ചു വരുത്തി ലൈംഗികമായി പീഡിപ്പിച്ച കേസിലെ പ്രതിക്ക് അഞ്ചുവര്ഷം കഠിന തടവും പിഴയും ശിക്ഷ. ചെറുവണ്ണൂര് കാരയില് നടറോഡില് കോവില് പാറക്കല് ഇബ്രാഹീമിനാണ് (62) അഞ്ചുവര്ഷം കഠിന തടവും 15,000 രൂപ പിഴയും കോഴിക്കോട് പോക്സോ കോടതി ജഡ്ജി സി.ആര്. ദിനേശ് വിധിച്ചത്.
പിഴയടച്ചില്ലെങ്കില് ആറുമാസം കൂടി തടവനുഭവിക്കണം. 2017 മാര്ച്ച് 25നാണ് കേസിനാസ്പദമായ സംഭവം. മേപ്പയൂര് പോലീസ് രജിസ്റ്റര് ചെയ്ത കേസില് സബ് ഇന്സ്പെക്ടര് ദിനേശ് കോറോത്താണ് അന്വേഷണം നടത്തി കുറ്റപത്രം സമര്പ്പിച്ചത്. പ്രോസിക്യൂഷനുവേണ്ടി സ്പെഷല് പബ്ലിക് പ്രോസിക്യൂട്ടര് കെ. സുനില് കുമാര് ഹാജരായി.
