തൃശൂര് : വിദ്യാര്ത്ഥിനിയെ പീഡിപ്പിച്ചെന്ന പരാതിയില് അധ്യാപകനെ സസ്പെന്ഡ് ചെയ്തു. സ്കൂള് ഓഫ് ഡ്രാമ ഡീന് സുനില് കുമാറിനെയാണ് സസ്പെന്ഡ് ചെയ്തത്. കാലിക്കറ്റ് സര്വകലാശാല വിസിയുടേത് ആണ് നടപടി. ഒന്നാം വര്ഷ ബിരുദ വിദ്യാര്ത്ഥിനിയാണ് സുനില് കുമാറിനെതിരെ പീഡന പരാതി ഉന്നയിച്ചിരിക്കുന്നത്.
ഓറിയന്റേഷന് ക്ലാസിനിടെ പരാതിക്കാരിയായ വിദ്യാര്ത്ഥിനിയെ താത്കാലിക അധ്യാപകനായ രാജ വാര്യര് ശാരീരികമായി ഉപദ്രവിച്ചിരുന്നു. തുടര്ന്ന് ഗ്രീവന്സ് സെല്ലില് പെണ്കുട്ടി പരാതിയും നല്കിയിരുന്നു.
ഇതിന് പിന്നാലെ പെണ്കുട്ടിക്ക് പിന്തുണയുമായി സുനില് കുമാര് എത്തി. ആദ്യം സൗമ്യമായി സംസാരിച്ചിരുന്ന ഇയാള് രാത്രികാലങ്ങളില് മദ്യപിച്ച് ലൈംഗിക ചുവയോടെ വിളിച്ച് സംസാരിച്ചുവെന്ന് വിദ്യാര്ത്ഥിനി പറയുന്നു. പെണ്കുട്ടിയോട് കടുത്ത പ്രണയമാണെന്ന് ഇയാള് പറയുകയും ചെയ്തു. തുടര്ന്ന് ഇയാള് പെണ്കുട്ടിയെ പ്രകൃതിവിരുദ്ധ പീഡനത്തിന് ഇരയാക്കാന് ശ്രമിച്ചു. മാനസിക സമ്മര്ദ്ദം സഹിക്കാനാവാതെ ഫെബ്രുവരി 13ന് പെണ്കുട്ടി ജീവനൊടുക്കാന് ശ്രമിച്ചു.
