മല്ലപ്പള്ളി : എ ഇ ഒ ഓഫീസ് മാർച്ചും ധർണ്ണയും നടത്തി. സ്കൂൾ പാചക തൊഴിലാളി യൂണിയൻ (എ ഐ റ്റി യു സി ) മല്ലപ്പള്ളി മേഖലാ കമ്മറ്റിയുടെ ആഭി മുഖ്യത്തിൽ അവധിക്കാല വേതനവും ശമ്പള വർദ്ധനവിലെ കുടിശിഖയും അനുവദിക്കുക, സ്കൂൾ പാചക തൊഴിലാളികളെ സ്കൂൾ ജീവനക്കാരായി അംഗീകരിക്കുക ഇ എസ് ഐ പ്രോവിഡന്റ് ഫണ്ട് തുടങ്ങിയ ആവശ്യങ്ങൾ അനു വദിക്കുക, പ്രതിമാസവേതനം ആദ്യത്തെ അഞ്ചാം പ്രവൃത്തി ദിവസങ്ങൾക്കകം ലഭ്യമാക്കാനുള്ള നടപടി സ്വീകരിക്കുക തുടങ്ങിയ ആവശ്യങ്ങൾക്ക് വേണ്ടി മല്ലപ്പള്ളി ഉപജില്ലാ വിദ്യാഭ്യാസ ഓഫീസിന് മുമ്പില് മാർച്ചും ധർണ്ണയും നടത്തി.
സി പി ഐ മണ്ഡലം സെക്രട്ടറിയും സ്കൂൾ പാചക തൊഴിലാളി യൂണിയൻ മേഖലാ പ്രസിഡന്റുമായ ബാബു പാലയ്ക്കൽ ഉദ്ഘാടനം ചെയ്തു. യൂണിയൻ കോഴഞ്ചേരി മേഖലാ സെക്രട്ടറിയും എ ഐ റ്റി യു സി ജില്ലാ എക്സിക്യൂട്ടീവ് അംഗവുമായ രാജു കടക്കരപ്പള്ളി, കുഞ്ഞുമോൾ സുരേന്ദ്രന്, മിനി ബാബു, സെക്രട്ടറി അമ്പിളി വിജയൻ, എസ്.വിജയൻ എന്നിവര് പ്രസംഗിച്ചു.
