കൊല്ലം: കൊല്ലത്ത് ആറാം ക്ലാസ് വിദ്യാർത്ഥിനിയുടെ മുടി മുറിച്ചുകളഞ്ഞതായി പരാതി. സ്കൂളിലെ മുതിർന്ന വിദ്യാർഥികൾ സിഗരറ്റ് വലിക്കുന്നത് പെൺകുട്ടി കണ്ടതിന്റെ പേരിലായിരുന്നു ആറുപേർ ചേർന്ന് മുടി മുറിച്ചത്. കൊല്ലത്ത് പെണ്കുട്ടികൾ മാത്രം പഠിക്കുന്ന സ്കൂളിലാണ് സംഭവം നടന്നത്. ഓണഘോഷത്തിനിടെയാണ് ആക്രമണമുണ്ടായതെന്ന് പെണ്കുട്ടി പറയുന്നു. രണ്ടുദിവസത്തിന് ശേഷം വീട്ടുകാരോട് വിവരം പറയുകയായിരുന്നു. പരാതിയെ തുടർന്ന് ചൈല്ഡ് പ്രൊട്ടക്ഷന് വിഭാഗം സ്കൂളിലെത്തി കുട്ടികളിൽ നിന്ന് വിവരങ്ങൾ ശേഖരിച്ചു. പുറത്ത് പറഞ്ഞാൽ കൊല്ലുമെന്നും സീനിയർ വിദ്യാര്ഥികൾ ഭീഷണിപ്പെടുത്തിയതിനാൽ തലയിൽ ഷാൾ ധരിച്ച് മുടി മറച്ചാണ് പെണ്കുട്ടി നടന്നിരുന്നത്.
