പത്തനംതിട്ട : പത്തനംതിട്ട – കോഴഞ്ചേരി റോഡില് പുളിമൂട്ടില് പടിയില് കാറും സ്കൂട്ടറും കൂട്ടിയിടിച്ച് അപകടം. വൈകുന്നേരം ആറു മണിയോടെയാണ് സംഭവം. പത്തനംതിട്ടയില് നിന്നും കോഴഞ്ചേരിയിലേക്ക് പോകുകയായിരുന്ന വാഗണ് ആര് കാര് പെട്ടെന്ന് യു -ടെണ് എടുക്കുകയായിരുന്നു. ഇലന്തൂരില് നിന്നും പത്തനംതിട്ടയിലേക്ക് സ്കൂട്ടറില് വന്ന മഹേഷാണ് അപകടത്തില് പെട്ടത്. ചെങ്ങന്നൂര് കോടുകളഞ്ഞി സ്വദേശി സെബിന് ആണ് കാര് ഓടിച്ചിരുന്നത്. അപകടത്തെ തുടര്ന്ന് ഏറെനേരം ഗതാഗതം മുടങ്ങി. പത്തനംതിട്ടയില് നിന്നും പോലീസ് എത്തി തുടര്നടപടികള് സ്വീകരിച്ചു.
