പത്തനംതിട്ട : വാര്യാപുരത്ത് നിയന്ത്രണം വിട്ട റോഡ് റോളര് കടയിലേക്ക് ഇടിച്ചു കയറി സ്കൂട്ടര് യാത്രക്കാരന് ഗുരുതര പരിക്കേറ്റു. ഇന്ന് ഉച്ചയോടെ ആയിരുന്നു അപകടം. വാര്യാപുരം ഇറക്കത്തില് നിയന്ത്രണം വിട്ട റോഡ് റോളര് സമീപത്ത് ഉണ്ടായിരുന്ന കാറിലും റോഡിലൂടെ പോയിരുന്ന സ്കൂട്ടര് യാത്രക്കാരനെയും ഇടിക്കുകയായിരുന്നു. അപകടത്തില് ഗുരുതരമായി പരിക്കേറ്റ സ്കൂട്ടര് യാത്രക്കാരനെ ആശുപത്രിയില് പ്രവേശിപ്പിച്ചു. ഇയാള്ക്ക് വിദഗ്ധ ചികിത്സ നല്കേണ്ടി വരുമെന്നാണ് അറിയുവാന് കഴിഞ്ഞത്.
സംഭവത്തിന്റെ സി.സി.റ്റി.വി ദൃശ്യങ്ങളും പോലീസ് ശേഖരിച്ചു. കടയില് കൂടുതല് ആളുകള് ഇല്ലാതിരുന്നതിനാല് വന് ദുരന്തം ഒഴിവകുകയായിരുന്നു. റോഡ് റോളറിന്റെ ബ്രേക്ക് നഷ്ടപ്പെട്ടതാണ് സംഭവത്തിന് കാരണമെന്നും അധികൃതര് പറഞ്ഞു. കടയുടെ മുന് ഭാഗം തകരുകയും സ്കൂട്ടര് പൂര്ണമായി തകരുകയും ചെയ്തു. കാറിനും തകരാര് സംഭവിച്ചിട്ടുണ്ട്. പത്തനംതിട്ട പോലീസ് സ്ഥലത്തെത്തി നടപടികള് സ്വീകരിച്ചു.
