തിരുവനന്തപുരം: ജൂണ് 21 പാര്ട്ടി സ്ഥാപക ദിനം സന്നദ്ധ-സേവന പ്രവര്ത്തനങ്ങളോടെ വിപുലമായി ആചരിക്കുമെന്ന് എസ്.ഡി.പി.ഐ സംസ്ഥാന ജനറല് സെക്രട്ടറി പി ആര് സിയാദ് പറഞ്ഞു. സ്ഥാപക ദിനത്തോടനുബന്ധിച്ച് പാര്ട്ടി സംസ്ഥാനത്ത് അംഗത്വ കാംപയിനു തുടക്കം കുറിക്കും. കൊല്ലത്തു നടക്കുന്ന ചടങ്ങില് സംസ്ഥാന പ്രസിഡന്റ് സിപിഎ ലത്തീഫ് അംഗത്വ വിതരണ കാംപയിന് ഉദ്ഘാടനം ചെയ്യും. പാര്ട്ടി സംസ്ഥാന കമ്മിറ്റി ഓഫിസിനു മുമ്പില് സംസ്ഥാന വൈസ് പ്രസിഡന്റ് തുളസീധരന് പള്ളിക്കല് പതാക ഉയര്ത്തും.
പതാക ഉയര്ത്തല്, മധുര വിതരണം, രക്ത ദാനം, സന്നദ്ധ-സേവന പ്രവര്ത്തനങ്ങള്, ശുചീകരണം, ആദരിക്കല് തുടങ്ങി വിവിധങ്ങളായ പരിപാടികളോടെ സംസ്ഥാന വ്യാപകമായി പാര്ട്ടി സ്ഥാപക ദിനം ആഘോഷിക്കും. സംസ്ഥാന, ജില്ലാ, മണ്ഡലം, കോര്പറേഷന്, മുനിസിപ്പാലിറ്റി, പഞ്ചായത്ത്, വാര്ഡ്, ബ്രാഞ്ച് നേതാക്കള് വിവിധ പരിപാടികള്ക്ക് നേതൃത്വം നല്കുമെന്നും അദ്ദേഹം പറഞ്ഞു.
