പത്തനംതിട്ട : ലോക്സഭാ തിരഞ്ഞെടുപ്പിന് മുന്നോടിയായി എസ്ഡിപിഐ പത്തനംതിട്ട പാർലമെന്റ് മണ്ഡലം നേതൃയോഗം സംഘടിപ്പിച്ചു. ചുങ്കപ്പാറ കുവകുന്നേൽ ഓഡിറ്റോറിയത്തിൽ നടന്ന നേതൃയോഗം സംസ്ഥാന വൈസ് പ്രസിഡന്റ് തുളസീധരൻ പള്ളിക്കൽ ഉദ്ഘാടനം ചെയ്തു. തിരഞ്ഞെടുപ്പിന് വേണ്ട മുന്നൊരുക്കങ്ങൾ നടത്തുന്നതിനും ബൂത്ത് കമ്മിറ്റികൾ ഉൾപ്പെടെ രൂപീകരിച്ച് ആവശ്യമായ മുന്നൊരുക്കങ്ങൾ നടത്താനും യോഗത്തിൽ തീരുമാനമായി.
പത്തനംതിട്ട ജില്ലയിലെ അഞ്ച് അസംബ്ലി മണ്ഡലങ്ങളിലെയും കോട്ടയം ജില്ലയിലെ രണ്ട് അസംബ്ലി മണ്ഡലങ്ങളിലെയും നേതാക്കൾ പങ്കെടുത്തു. സംസ്ഥാന സമിതിയംഗം എം എം താഹിർ അധ്യക്ഷത വഹിച്ചു. സംസ്ഥാന സെക്രട്ടറിയേറ്റംഗം അൻസാരി ഏനാത്ത് വിഷയാവതരണം നടത്തി. സംസ്ഥാന കമ്മിറ്റിയംഗം ജോർജ് മുണ്ടക്കയം, പത്തനംതിട്ട ജില്ലാ പ്രസിഡന്റ് എസ് മുഹമ്മദ് അനീഷ്, ജില്ലാ ജനറൽ സെക്രട്ടറി ഷാജി പഴകുളം, കോട്ടയം ജില്ലാ പ്രസിഡന്റ് സിയാദ് വാഴൂർ, ജില്ലാ ജനറൽ സെക്രട്ടറി അൽത്താഫ് ഹസൻ, ജില്ലാ, മണ്ഡലം നേതാക്കൾ പങ്കെടുത്തു.
