തിരുവനന്തപുരം: തീര സംരക്ഷണത്തിനായി 2,400 കോടിയുടെ കേന്ദ്ര സഹായം കേരളം ചോദിച്ചു. കേന്ദ്ര ഫിഷറീസ് മന്ത്രി പര്ഷോത്തം റുപാലയുമായി നടത്തിയ കൂടിക്കാഴ്ചയിലാണ് മന്ത്രി വി.അബ്ദുറഹിമാന് ഇക്കാര്യം ആവശ്യപ്പെട്ടത്. മത്സ്യത്തൊഴിലാളികളുടെ പോഷകാഹാരത്തിനും ഉപജീവനത്തിനും ആയുള്ള പദ്ധതിയുടെ വിഹിതവും കൂടിക്കാഴ്ചയില് ആവശ്യപ്പെട്ടതായി മന്ത്രി അറിയിച്ചു.
തലസ്ഥാനത്ത് വിഴിഞ്ഞം വിഷയത്തില് മത്സ്യത്തൊഴിലാളികള് പ്രതിഷേധിക്കുന്നതിനിടെയാണ് സംസ്ഥാന തുറമുഖ മന്ത്രി കേന്ദ്ര മന്ത്രിയുമായി കൂടിക്കാഴ്ച നടത്തിയത്. തുടര്ന്ന് റെയില്വേ മന്ത്രിയെയും വി.അബ്ദുറഹിമാന് സന്ദര്ശിച്ചു. റെയില് ഭവനിലായിരുന്നു റെയില്വേ മന്ത്രി അശ്വിനി വൈഷ്ണവുമായുള്ള കൂടിക്കാഴ്ച നടന്നത്.
