പത്തനംതിട്ട : കേരള ശാസ്ത്രസാഹിത്യ പരിഷത്ത് പ്രസിദ്ധീകരിക്കുന്ന കേരള പഠനം രണ്ടാം ഭാഗം ഐആർടിസി ഡയറക്ടറും പരിഷത്ത് കേന്ദ്ര നിർവാഹക സമിതിയംഗവുമായ ഡോ. എൻ കെ ശശിധരൻ പിള്ള ജില്ലാ വിദ്യാഭ്യാസ വിഷയസമിതി ചെയർമാൻ ഡോ. വിജയ മോഹനന് നൽകി പ്രകാശനം ചെയ്തു. “നാളത്തെ പഞ്ചായത്ത്’ എന്ന വിഷയത്തിൽ പരിഷത്ത് നടത്തിയ സെമിനാറിൽ വെച്ചാണ് പുസ്തകം പ്രകാശനം ചെയ്തത്. കോഴിക്കോട് ഗവ. മെഡിക്കൽ കോളേജ് പത്തോളജി വിഭാഗം മുൻ മേധാവി ഡോ. കെ പി അരവിന്ദന്റെ നേതൃത്വത്തിലുള്ള വിദഗ്ധസമിതിയാണ് റിപ്പോർട്ട് തയ്യാറാക്കിയത്.
ഡോ. കെ പി കുഞ്ഞിക്കണ്ണനായിരുന്നു സമിതിയുടെ ചെയർപേഴ്സൺ. സംസ്ഥാന നിർവാഹക സമിതിയംഗം പി വി വിനോദ്, പരിഷത്ത് ജില്ലാ പ്രസിഡന്റ് പ്രൊഫ. കെ എസ് ശ്രീകല, സെക്രട്ടറി രാജൻ ഡി ബോസ്, പരിസര വിഷയ സമിതി കൺവീനർ ഡോ. കെ പി കൃഷ്ണൻ കുട്ടി, വികസന സമിതി ചെയർമാൻ എം കെ വാസു, പി എസ് ജീമോൻ, വി എൻ അനിൽ, ബി സതികുമാരി, കൺവീനർ കെ ശാന്ത എന്നിവർ സംസാരിച്ചു.
